...

Azərbaycanda yol layihəsi üzrə AİB ilə kredit müqaviləsinin imzalanması vaxtı müəyyən edilib

Biznes və iqtisadiyyat xəbərləri Materials 14 Yanvar 2008 18:12 (UTC +04:00)

Azərbaycan, Bakı, 14 yanvar/ Trend , müxbir İ.Xəlilova/ Azərbaycan hökuməti ilə Asiya İnkişaf Bankı (AİB) arasında yanvarın 15-də 200 mln. dollar dəyərində Masallı -Astara avtomagistralının bir hissəsinin yenidən qurulması layihəsi üzrə kredit müqaviləsi imzalanacaq. Bu barədə bazar ertəsi AİB-in Bakı nümayəndəliyindən məlumat veriblər. Layihə 2007-ci il sentyabrın 28-də AİB-in Direktorlar Şurasında təsdiq edilib.

Hökumət tərəfdən müqaviləni nəqliyyat naziri Ziya Məmmədov, maliyyə institutu tərəfindən isə, AİB-in yol layihələri üzrə iqtisadçısı Xonq Vanq imzalayacaq.

Masallı-Astara avtomobil yolu üçün kredit ümumi dəyəri 500 mln. dollar olan Multitranche Financing Facility (MFF) mexanizmi çərçivəsində təqdim edilib. Bu vəsait üç yol layihəsinin maliyyələşdirilməsi üçün nəzərdə tutulub. Bu günədək bir layihə təsdiqlənib və bank MFF-in qalan vəsaitlərinin istfadəsi üçün 2014-cü ildədək vaxt verib.

Müqaviləyə görə, Asiya Bankının kredit resursları hissə-hissə ($190 mln) bankın adi ehtiyatlarından (4 ili güzəştli dövr olmaqla, 24 illik və libor+0.6% illik dərəcə ilə) ,10 mln. dollar isə, güzəştli (8 ili güzəştli dövr olmaqla, 32 illik və güzəştli dövr ərzində 1% dərəcə, qalan dövrdə isə, 1.5%) ayrılacaq. Kreditin güzəştli hissəsi avtomagistrallara birləşən ikinci dərəcəli kənd yollarının yenidənqurması üçün nəzərdə tutulub.

Xəbər lenti

Xəbər lenti