Azərbaycan, Bakı, 23 yanvar/ " müxbir İ.Xəlilova/ Azərbaycanın aparıcı özəl bankı Bank Standard ikinci reytinq qiymətləndirilməsi almaq üçün Fitch Ratings beynəlxalq reytinq agentliyi ilə müqavilənin imzalanmasına hazırlaşır. Bu barədə bankın 2007-ci ildə fəaliyyətinin yekunlarına həsr olunmuş mətbuat konfransında bankın idarə heyətinin sədrinin birinci müavini Cavid Quliyev məlumat verib.
O, bunun ən azı ikinci rübdə yeniləşməsi gözlənilən Moody`s, versiyası üzrə reytinq səviyyəsində olacağını hesab edir. İki-üç ay ərzində Fitch-dən birinci qiymət alınacaq.
"Güman edirəm ki, bankın reytinqinin yenilənməsi reytinqlərin aşağı səviyyəsinə yenidən baxılması üzrə reytinq agentliklərinin planını geridə qoyacaq. Belə ki, Azərbaycan banklarının, dünya likvidlik böhranı nəticəsində, bəzi inkişafda olan ölkələrin maliyyə sisteminin qarşılaşdığı risklər və problemləri yoxdur", - Quliyev bildirib.
Moody`s ötən il Bank Standard-a qısamüddətli və uzunmüddətli depozitlər üzrə B1, maliyyə dayanıqlığı üzrə isə E+ reytinqi verib. Qiymətə əsasən, Bank Standard-a ölkənin özəl bankları arasında ən yüksək reytinqin verilməsinin səbəbi onun möhkəmlənən mövqeləri, sanballı bazar payı, yaxşı rentabellik və Azərbaycanın sürətlə inkişaf edən bank bazarında əhəmiyyətli potensial olub. Bankın bazar payı hazırda təqribən 10% təşkil edir.
İki reytinqin alınmasının vacibliyi bankın 2008-ci il ərzində həcmi $100 mln. -dan aşağı olmayacaq avroistiqrazlar buraxmaq planları ilə əlaqədardır. Sədr müavininin sözlərinə görə, beynəlxalq kapital bazarlarına çıxış suveren avrobondların buraxılması və ölkənin bank sistemi liderinin - Azərbaycan Beynəlxalq Bankının ilkin yerləşdirməsindən sonra baş verəcək.
"Bu, digər borc götürənlər tərəfindən borcların səviyyəsinin müəyyən edilməsi üçün imkan yaradacaq", - Quliyev bildirib.
Bank Standard-ın 2008-ci il planlarına avrobondlar vasitəsilə götürmələrdən başqa, Qara Dəniz Ticarət və İnkişaf Bankından ticarət maliyyələşdirməsinə və Asiya İnkişaf Bankından bir neçə məhsul (sekyürizasiya və s.) üzrə kreditin cəlb edilməsi daxildir. Bank ötən il ərzində klub krediti çərçivəsində $24 mln. , iyunda $48 mln. məbləğində sindikatlaşdırılmış, dekabrda isə, İslam İnkişaf Korporasiyasından $3 mln. vəsaitlər cəlb edib.
2007-ci ildə bankın 86% artan ümumi kredit portfelinin həcmi 406,7 mln. manata çatıb.