Azərbaycan, Bakı, 04 fevral / müxbir İ.Xəlilova/ Zamin Bank səhmdar kommersiya bankı MoneyGramm beynəlxaql pul köçürmələri sistemindən Caspian Money Transfer (bu beynəlxalq pul köçürmələri sistemi bank tərəfindən 2007-ci ildə yaradılıb) vasitəsilə həyata keçirilən transfertlər sisteimini birləşdirmək haqqında təklif alıb. Bu barədə bazar ertəsi Zamin Bank-ın idarə heyətinin sədri Baratəli Piriyev məlumat verib.
"Hazırda bu layihənin iqtisadi aspektlərinin müzakirəsi gedir və biz öz təkliflərimizi MoneyGramm-a artıq təqdim etmişik", - Piriyev dəqiqləşdirib.
Zamin Bank Azərbaycanda ilk dəfə olaraq beynəlxalq pul köçürmələri sistemini hazırlayıb. Sistemin fərqli cəhətləri Caspian Money Transfer vasitəsilə köçürmə zamanı minimal komissiyanın 2,1,5 faiz təşkil etməsi və köçürmənin yerinə yetirilməsinin iki-üç dəqiqə təşkil etməsidir. Köçürməni alan şəxsdən isə, komissiya tutulmur.
Bununla belə, Azərbaycan və ondan kənarda dollar, avro və rublların Contact sistemi üzrə pulların köçürülməsi zamanı komissiya 3 faiz olmaqla 3-5 dəqiqə, Migom vasitəsilə - 2-dən 3 faizədək 5-10 dəqiqə ərzində təşkil edir.İnterExpress vasitəsilə köçürmələrə görə standart komissiya 1,5 - 2,5 faiz təşkil edir və bu zaman 15 dəqiqəyədək vaxt gedir. Western Union-da isə tariflər köçürmənin məbləğindən asılı olaraq 4 faizi ötür.
Bank sədrinin sözlərinə görə, bu gün Caspian Money Transfer-in fəaliyyət zonası doqquz ölkəyə - Rusiya, Gürcüstan, Ukrayna, Özbəkistan, Qırğızıstan, Moldova, Tacikistan, İngiltərə və Çexiyaya yayılır. İşlər Caspian Money Transfer-in fəaliyyət zonasına İtaliya, Dubayın qoşulması ilə də aparılır. Bankda sistemin sonrakı təkmilləşdirilməsi üçün tədbirlərin nəzərdə tutulduğu inkişaf strategiyası proqramı hazırlanır.
Azərbaycanın pul köçürmələri sisteminin yaradılmasına ehtiyac xaricdə, hər ay pul köçürmələri edən çoxsaylı həmvətənlərimizin olması ilə əlaqədardır.