Azərbaycan, Bakı, 21 fevral / " müxbir Ü.İsmayılova / Azərbaycan Respublikası Prezidenti yanında Qiymətli Kağızlar üzrə Dövlət Komitəsi (QKDK) "Azərbaycan Respublikasında dövlət qeydiyyatına alınmış emitentlərin investisiya qiymətli kağızlarının Azərbaycan Respublikası ərazisindən kənarda yerləşdirilməsinə və ya tədavülə buraxılmasına icazə verilməsi haqqında Qaydalar"ı təsdiq edib, - Komitənin məlumatında deyilir.
Emitent 70 faizə qədər hissəsini hüdudlardan kənarda yerləşdirmək imkanı əldə edir.
Məlumatda deyildiyi kimi, qiymətli kağızların emitentinin Nizamnamə kapitalında Azərbaycan Respublikası dövlətinin payı olduqda, səhm sahibi olan dövlət orqanının və Azərbaycan Respublikası Dövlət Əmlakının İdarə edilməsi üzrə Dövlət Komitəsinin qiymətli kağızların yerləşdirilməsinə razılığı olmalıdır.
Yerləşdirilmə və ya imtina 15 iş günü ərzində təqdim olunur.
