Azərbaycan, Bakı, 22 fevral/ Trend müxbir Q.Raqifqızı/ 2007-ci ildə Gədəbəydə kənd təsərrüfatı məhsulları istehsalı iki dəfə artıb. Bu barədə Gədəbəy rayonu (Bakıdan 444 km. məsafədə) icra hakimiyyətinin hesabat iclasında məlumat veriblər.
İclasda, rayonda "Aqroservis" və "Aqrolizinq" ASC xidmətinin açılmasının istehsalın artmasına müsbət təsir göstəridiyi vurğulanıb. Dövlət müəssisəsi xətti üzrə 1415 istehsalçıya 50 faiz güzəştlə 325 ton azot, 450 kq superfosfat, "Aqrokimya" MMC tərəfindən - 6 ton nitrat gübrəsi verilib. Nəticədə, kartof istehsalı 195760 tonadək, buğda - 4200 ton, ət - 5281 ton, süd - 24740 ton artıb. 2006-cı ildə bu göstəricilər iki dəfə aşağı olub.
Agrolizing ASC 2004-cü il oktyabrın 23-də Azərbaycan prezidenti İlham Əliyevin sərəncamı ilə yaradılıb. Müəssisənin fəaliyyəti müxtəlif kənd təsərrüfatı texnikasının əldə edilməsi və yerli torpaq sahiblərinə lizinqə verilməsi yolu ilə, aqrar sahənin yaxşılaşdırılması və ölkədə sahibkarlığın dəstəklənməsinə yönəlib. Bu gün ASC doqquz regional aqroservis təchizat bazası və işğal olunmuş ərazilər istisna olmaqla, Azərbaycanın bütün rayonlarında 57 aqroservis filialına malikdir.