Azərbaycan, Gəncə, 23 fevral / Trend , müxbir V.Məmmədov/ Azər Hacıyev Gəncə şəhəri "Su Kanal" Törəmə Səhmdar Cəmiyyətinin rəhbəri təyin olunub. O, bu vəzfədə işdə pozuntulara yol verməsi səbəbindən uzaqlaşdırılan Teyyub Cəfərovu əvəz edib.
Gəncə şəhəri İcra Hakimiyyətinin rəhbəri Eldar Əzizov Trend ın xüsusi müxbirinə Cəfərova dəfələrlə xəbərdarlıq edildiyini, lakin onun öz işində heç bir dəyişiklik etməyini bildirib. Əzizov söyləyib ki, "Su Kanal" SC və "Azərenerji" SC arasında son zamanlar müşahidə olunan problemlər Cəfərovun səhvlərinin nəticəsidir. O, problemin əsl mahiyyətini müəyyənləşdirmədi.
"Cəfərov insanlara içməli su əvəzinə çirkli su verirdi. Bundan əlavə, su sərfi üçün toplanan vəsaitdə problemlər müşahidə olunurdu. O, həmçinin öz yaxın qohumlarını müxtəlif vəzifələrə təyin edirdi" - deyə Gəncə şəhərinin rəhbəri bildirib.
Əvvəllər Mənzil-Kommunal Təsərrüfatının sədr müavini olan Hacıyev "Su Kanal" SC rəhbərliyinə "Azərsu" ASC ilə birgə razılaşmaya əsasən, Gəncə şəhəri İcra Hakimiyyəti rəhbərinin sərəncamı ilə təyin olunub.