...

2008-ci ildə Bakıda nəqliyyatın intellektual idarəetmə sisteminin yaradılmasına başlanılacaq

Biznes və iqtisadiyyat xəbərləri Materials 26 Fevral 2008 19:54 (UTC +04:00)

Azərbaycan, Bakı, 26 fevral / müxbir S.Əliyev/Bu il nəqliyyatın intellektual idarəetmə sisiteminin yaradılmasına 15 mln. manat ayrılıb. Bu barədə çərşənbə axşamı Bakının Şəhər Sərnişin Avtonəqliyyatı Departamentinin rəhbəri Ceyhun Abdullayev məlumat verib. Onun sözlərinə görə, yaxın vaxtlarda sistemin yaradılması üzrə işlərə başlanılacaq.

"Artıq "Heydər Əliyev" prospektində dispetçer mərkəzinə yer ayrılıb", - o bildirib.

Azərbaycan Nəqliyyat Nazirliyi üçün layihəni Koreyanın SK C& C konsorsiumu hazırlayıb. Konsorsium araşdırmalar aparıb və ölkə hökumətinə tövsiyələr təqdim edib.

Araşdırmalara əsasən, belə sistemin tətbiqi nəticəsində svetoforlar və avtobus dayanacaqları qaydaya salınacaq. Sistem avtonəqliyyat vasitələrinin hərəkəti, sürəti, dayanacaqlar, nəqliyyat qəzaları, tıxaclar və digər hallarda mərkəzi dispetçer məntəqəsinə operativ məlumat göndərəcək.

İlkin hesablamalara görə, nəqliyyatın intellektual idarəedilməsi sistemi iki mərhələdə yaradılacaq. Birinci mərhələdə 2008-ci ilin sonunadək paytaxtın mərkəzindən Heydər Əliyev prospekti istiqamətində Əzizbəyov dairəsində bu sistemi tətbiq etmək nəzərdə tutulur. İkinci mərhələdə sistem bütün paytaxta genişləndiriləcək. Bu tədbilər 2009-cı ilin sonunadək həyata keçiriləcək.

Bakıda sistemin yaradılmasının məqsədi bir məntəqədən nəqliyyat sisteminin - sərnişin daşınmaların, avtomobil marşrutlarını, tıxacların təcrid edilməsi və ləğvi, avtomobil dayanacaqlarının idarə edlməsidir.

İlkin qiymətləndirməyə görə, layihənin dəyəri $55-60 mln.-dır.

Məqalə müəllifinin ünvanı: [email protected]

Xəbər lenti

Xəbər lenti