Azərbaycan, Bakı, 27 fevral / Trend , müxbir U.İsmayılova/ Azərbaycanın "Azergarant" sığorta şirkəti öz kapitalına xarici investorların iştirakını daxil etməyi planlaşdırır. Bu barədə çərşənbə güünü şirkətin İdarə Heyətinin sədr müavini Şükür Hüseynov bildirib.
Hüseynovun sözlərinə görə, bu məqsədlə şirkət fevralın 22-də öz mülkiyyət formasını QSC-dən ASC-yə dəyişib ki, bu da kapital qoymanın artırılmasına şərait yaradır. Şirkətin nizamnamə kapitalı 1 mln. manat təşkil edir.
Hüseynov bildirib ki, hazırda şirkətin mülkiyyət formasının dəyişdirilməsi ilə əlaqədar tam sənədləşdirmə işləri aparılır.
"Azergarant" sığorta bazarında 1993-cü ildən fəaliyyət göstərir. Şirkət 26 növdə sığorta xidməti göstərir ki, bunun da dördü icbaridir.
Müəlliflə əlaqə saxlamaq üçün elektron ünvan : [email protected]