Azərbaycan, Bakı, 29 fevral / " müxbir U.İsmayılova/ Yanvar ayında qeyri-yaşayış obyektlərinin bir kvadrat metrinin qiyməti 2770 dollara qədər artıb ki, bu da 2007-ci ilin dekabr ayının qiymət göstəricisindən 0,2 faiz çoxdur. Bu barədə "Əmlak bazarı iştirakçıları" İctimai Birliyindən məlumat verilib.
Birlikdən verilən məlumata görə, yanvarda qeyri-yaşayış obyektlərinin alıq-satqısına dair bağlanan müqavilələrin sayı ötən ilin dekabrına nisbətdə 0,1 faiz azalıb.
Şəhərin dördüncü zonasında bazara təklif olunan obyektlərin sayı 1,8 faiz artıb. Lakin bazarın ümumi təhlili üzrə onların sayı dekabra nisbətdə 3,3 faiz azalıb.
Seqment göstəricisinə görə, ən bahalı qeyri-yaşayış obyektləri boş zirzəmilər olub. Onların qiyməti 2007-ci ilin dekabr ayına nisbətdə 4,5 faiz bahalaşıb.
