Azərbaycan, Bakı, 01 mart / Trend / Azərbaycanın Xarici İşlər və Nəqliyyat Nazirliklərinin nümayəndələri martın 6-7-də Aşqabadda (Türkmənistan) keçiriləcək ATƏT-in iqtisadiyyat və ətraf mühit üzrə 16-cı Forumuna ikinci hazırlıq konfransında iştirak edəcəklər. Bu barədə Nəqliyyat Nazirliyindən məlumat verilib.
Nəqliyyat Nazirliyinin TRACECA və beynəlxalq layihələr sektorunun rəhbəri Elmar Fərəcov "Avrasiya regionunda tranzit daşımalar sahəsində Azərbaycanın rolu" adlı məruzə ilə çıxış edəcək.
ATƏT-in 16-cı Forumuna birinci hazırlıq konfransı ötən il sentyabrın 10 - 11-də Helsinkidə (Finlandiya) keçirilib. Bu görüş zamanı dənizə çıxışı olmayan ölkələrin çətinlik məsələləri müzakirə olunub. Əsas diqqət daxili su yolları, o cümlədən dənizə çıxış və ATƏT ölkələrinin daxili su yolları ilə multimodal dəhlizlərin inkişafı sahəsində əməkdaşlıq məsələləlrinə ayrılıb.