...

Azərbaycanda torpaq sahələrinin birbaşa satışına qadağa qoyulub

Biznes və iqtisadiyyat xəbərləri Materials 14 Mart 2008 18:59 (UTC +04:00)

Azərbaycan, Bakı, 14 mart/ Trend , müxbir İ.Xəlilova, İ.Əlizadə/ 2008 -ci ildən başlayaraq, Azərbaycanın bələdiyyələri və rayon icra hakimiyyətləri torpaq sahələrini yalnız hərrac və müsabiqələr vasitəsilə sata biləcəklər. Bu barədə cümə günü Topraq və Xəritəçəkmə üzrə Dövlət Komitəsinin sədri Qərib Məmmədov məlumat verib.

"Torpaq haqqında" Qanuna əsasən, bələdiyyə və yerli torpaqların satışı birbaşa olaraq hərrac və müsabiqələr keçirilməsi yolu ilə həyata keçirilə bilər. Məmmədov ötən dövr ərzində icra hakimiyyəti və yerli özünüidarəetmə orqanları başçılarının, torpaq sahələrini birbaşa, hərrac keçirmədən satdıqlarını, bunun mənfi nəticələrə gətirdiyini bildirib.

"Bu faktların aradan qaldırılması üçün biz torpaqların birbaşa satışı haqqında bəndin çıxarılması təklifi ilə hökumət qarşısında çıxış etmişik, - o dəqiqləşdirib. Ölkə parlamenti Qanuna müvafiq dəyişikliklər edib və yaxın vaxtlarda torpaqların yeni satış qaydaları qüvvəyə minəcək".

Ötən il ərzində Dövlət Komitəsi bələdiyyələr tərəfindən torpaq sahələrinin satışı zamanı minədək qanun pozuntusu aşkar edib. 400 fakt üzrə cərimə sanksiyaları qoyulub, nəticədə, dövlət büdəcəsinə 12 min manatın daxil olması təmin edilib. 100 pozuntu üzrə iş hüquq-mühafizə orqanlarına verilib.

Respublikada ümumilikdə 2757 bələdiyyə yaradılıb və onlardan 52-nin sərəncamında olan ərazilər hələ dəqiqləşdirilməyib. Özünüidarəetmə orqanları prezidentin 1999-cu il 24 dekabr tarixli Fərmanı üzrə yaradılmağa başlayıb.

Məqalə müəllifinin ünvanı: [email protected]

Xəbər lenti

Xəbər lenti