Azərbaycan, Bakı, 07 aprel/ " müxbir İ.Xəlilova/ Azərbaycanın Milli Bankı ötən ilin dekabrı ilə müqayisədə, 2008-ci ilin yanvar-fevralında Azərbaycanın ticarət tərəfdaşlarının valyutalarına münasibətdə manatın nominal effektli məzənnəsinin (NEM) ucuzlaşma templərinin azaldığını təsdiqləyir. Bu barədə bazar ertəsi AMB-dən məlumat veriblər. Ümumi ticarət dövriyyəsində məzənnə 0,5 faiz, ixracda - 1,1 faiz azalıb, idxalda isə 0,2 faiz artıb.
ABM-nin hesablamalarına görə, 2007-ci ilin sonuna nisbətdə yanvar-fevralda NEM ümumi ticarət dövriyyəsində qeyri-neft sektoru və idxal üzrə neytral səviyyədə qalıb, ixracda isə 0,2 faiz möhkəmlənib.
İki ay ərzində nominal valyuta məzənnəsində baş verən dəyişikliklər ümumi ticarət dövriyyəsində real effektli məzənnəyə 30 faiz, qiymətlərin dəyişməsinə isə, 70 faiz (neft sektoru nəzərə alınmaqla) təsir edib. Bu o deməkdir ki, nominal məzənnənin dəyişməsi real effektli məzənnəyə azaldıcı, qiymətlərə artırıcı təsir göstərib.
2000-ci ilin dekabrına münasibətdə 2008-ci ilin yanvar-fevralında xarici ticarətdə manatın NEM-i (neft sektoru nəzərə alınmaqla)15 faiz azalıb, idxalda 7,7 faiz, ixracda - 20,1 faiz artıb. Qeyri-neft sektorunda manatın NEM-i ümumi ticarətdə 2,9 faiz, idxalda - 4,7 faiz azalıb, ixracda isə 6,9 faiz artıb.
Müəlliflə əlaqə saxlamaq üçün elektron ünvan: [email protected]
