Azərbaycan, Bakı, 05 may/ Trend , müxbir İ.Xəlilova/ Azərbaycan hökumətinin Ümumdünya Ticarət Təşkilatının İşçi Qrupu ilə mayın 6-a təyin edilmiş danışıqlarının V mərhələsində iştirak etmək üçün AR iqtisadi inkişafı naziri Heydər Babayev Cenevrəyə yola düşüb. Bu barədə bazar ertəsi nazirlikdən məlumat veriblər.
Xarici işlər nazirinin müavini Mahmud Məmmədquliyevin başçılıq etdiyi Azərbaycanın danışıqlar qrupu aprelin sonundan İsveçrədədir. Danışıqlar qrupu əvvəlcə BMT-nin ticarət və inkişaf məsələləri üzrə konfransının işində iştirak edib, sona isə ÜTT-ə üzv ölkələrlə ikitərəfli danışıqlara başlayıb. Hindistan, Şri-Lanka, Koreya, Norveç nümayəndələri Azərbaycanın nümayəndə heyəti ilə görüş istəyiblər. Bu ölkələrin ticarət rejiminə dair müxtəlif sahələrdə qaldırdıqları bir sıra məsələlər olub.
Lakin ölkə ərzaq təhlükəsizliyi proqramı çərçivəsində aqrar sektor üçün subsidiyaların genişləndirilməsi istiqamətində bir sıra cəsarətli addımlar atıb və kənd təsərrüfatı məhsulları istehsalçıları üçün vergi tətillərini uzatmağa hazırlaşır. Bundan əlavə, Aİ bəzi mallar üzrə gömrük rüsumlarını sıfıradək azaltmağı təklif edir. Lakin, ölkə hökuməti bəzi kənd təsərrüfatı məhsullarının (düyü, buğda unu) ƏDV-dən və gömrük rüsumundan azad edilməsinə dair qərar qəbul edib.
Danışıqlar prosesində Azərbaycanın maraqlarını ÜTT-ə üzv ölkələr, ABŞ, Aİ kimi əsas oyunçuların qarşısında müdafiə etmək lazım gələcək. Dünyada kənd təsərrüfatı məhsullarının əsas ixracatçısı olan Aİ Azərbaycanın təklif etdiyi gömrük rüsumları dərəcəsini azaltmağı təklif edir. Bəzi mallar üzrə dərəcələri sıfıra qədər azaltmaq təklif edilir.
Bu gün sənayedə son məhsula 15 faiz, xammala isə 0-0,5 faiz səviyəsində idxal gömrük rüsumu tətbiq edilir.
Çoxtərəfli və ikitərəfli danışıqların tarixi bir neçə dəfə dəyişdirilib. ÜTT-ə namizəd ölkələr üçün tələblər ildən-ilə sərtləşdirilir. Ölkə hökuməti bununla əlaqədar bu prosesi maksimal dərəcədə sürətləndirmək niyyətindədir. Lakin, bu zaman ölkənin maraqları nəzərə alınmalıdır. Azərbaycan ÜTT-ə inkişafda olan ölkə statusu ilə daxil olmaq niyyətindədir. Bu, aqrar sektor üçün subsidiyalara 10 faizədək çıxış əldə etməyə imkan verəcək. İqtisadi inkişaf nazirinin bir müddət əvvəl verdiyi məlumata görə, ölkə hökuməti ərzaq təhlükəsizliyinin təmin edilməsi şəraitində, xüsusilə subsidiyaların 10 faizdən aşağı olmayan səviyyədə saxlanılmasında təkid etmək niyyətindədir.
Ölkə ABŞ, Avropa İttifaqı, Cənubi Koreya, Yaponiya, Çinin Tayvan əyaləti ilə danışıqlar mərhələsindədir.
Bu günədək Azərbaycan Türkiyə, Gürcüstan, Əmman, Moldova və BƏƏ ilə danışıqları bitirib, lakin yalnız Türkiyə ilə yekunlar üzrə protokol imzalanıb. Cenevrədə bu ölkələrdən daha bir neçəsi ilə protokol imzalanması istisna edilmir.
ÜTT-ə üzv ölkələr üçün əsas tələb müxtəlif bazarların liberallaşdırılmasıdır. Lakin, Azərbaycan bank sektoru, sığorta və telekommunikasiya bazarı, energetika sahələri də daxil olmaqla, iqtisadiyyatın 8-10 sektoru üzrə yerli bazar üçün müdafiə elementlərini saxlamağa çalışır.
Azərbaycan prezidentinin 2006-cı il 2 avqust sərəncamı əsasında iki il ərzində milli qanunvericiliyin ÜTT-ə tələblərinə uyğun vəziyyətə gətirilməsi nəzərdə tutulub. Bu sənədin əsasında müvafiq strukturlara 40 qanunverici akt hazırlamaq tapşırılıb. Bunlardan 16-sı qanun layihələridir.
Müəlliflə əlaqə saxlamaq üçün elektron ünvan: [email protected]