Azərbaycan, Bakı, 13 may / Trend , müxbir İ.Xəlilova / Maliyyə Nazirliyi və Vergilər Nazirliyi arasında 2009-cu il büdcə zərfi çərçivəsində,çərşənbə axşamı Vergi Məcəlləsinə dəyişiklik və əlavələr edilməsi üzrə müzakirələr aparılıb. Bu haqda Maliyyə Nazirliyindən çərşənbə axşamı verilən məlumatda bildirilib.
Layihənin ilk yarım ildə qəbul edilməsi üçün Azərbaycan höküməti mayın 15- dək layihəni parlamentə təqdim etməyi planlaşdırır.
İlk dəfə olaraq vergi qanunvericiliyində dəyişikliklər dövlət büdcəsindən ayrı qəbul olunacaq. Bu, büdcə proqnozlarının baxılması və təsdiq edilmə prosesini asanlaşdıracaq, həmçinin, vergi ödəyicilərinə vergi qanunvericiliyində edilən dəyişikliklərlə bağlı qabaqcadan tanış olmaq imkanı yaradacaq.
Gələcəkdə vergi inzibatçılığının təkmilləşdirilməsi ilə yanaşı, mənfəət və əlavə dəyər vergilərinə qoyulan tariflərin yenidən müzakirə edilməsi planlaşdırılır.
İlkin məlumatlara görə, gəlir vergisini indiki 22 faizdən 20 faizə, ƏDV - 18 faizdən 17 faizədək aşağı salınması təklif edilir.
Lakin, Vergilər Nazirliyi tərəfindən aparılan araşdırmalara görə, Azərbaycan iqtisadiyyatında hazırki vergi iqlimində optimal ƏDV dərəcəsi 14-15 faiz təşkil edir.
Mənfəət vergisi şkalasına dəyişikliklərin ediləcəyi ehtimalı istisna olunmur. Hazırda mənfəət vergisinin (35 faiz) ən yüksək faiz dərəcəsinə malik olan maksimal məbləği 2 000 manat, minimal - 14 faiz təşkil edir. Hazırda gəlir vergisi üzrə ən yüksək dərəcə (35 faiz) ilə vergi qoyulan maksimal məbləğ 2000 min manat təşkil edir. Onun minimal məbləğinə isə, 14 faiz üzrə vergi qoyulur. Lakin bu məbləği 2009-cu ildən 2500 manat oldu.Halbuki, bu rəqəm 2010 -cu ilə nəzərdə tutulurdu.
Azərbaycanda vergi dərəcələri üzrə sonuncu dəyişikliklər 2006-cı ildə edilib. Mənfəət vergisi üzrə dərəcələr 24 faizdən 22 faizədək azaldılıb. Gəlir vergisi üzrə maksimal 35 faiz dərəcə ilə vergi qoyulan gəlirin məbləği 600 manatdan 2000 manatadək artırılıb (2008-ci ildən).
13 may tarixinə olan rəsmi məzənnə 0,8269 AZN/USD.
Müəlliflə əlaqə saxlamaq üçün elektron ünvan: [email protected]
