Azərbaycan, Bakı, 15 may/ Trend müxbir Ü.İsmayılova/ Alman sığortaçıları Azərbaycanın sığorta bazarında maraqlıdırlar. Bu barədə cümə axşamı Bakıda, Azərbaycan-Bavariya biznes-forumu zamanı, Bavariyanın İqtisadiyyat, İnfrastruktur, Nəqliyyat və Texnologiyalar Nazirliyinin marketinq və xarici ticarət şöbəsinin rəhbəri Falk Zinqer məlumat verib.
"Hazırda alman sığortaçıları Azərbaycan bazarında iştirak edirlər və bu siyahı genişləndiriləcək", - Zinqer bildirib.
Apreldə Bakıda, Rusiyanın iri "ROSNO" sığorta şirkətinin nümayəndəliyi açılıb. Almaniyanın Avropada ən iri sığorta şirkətlərindən biri olan Allianz "ROSNO"nun kapitalında 97 faiz iştirak payına malikdir.
Zinqer bildirib ki, Almaniyanın sığorta bazarı ölkə iqtisadiyyatında birinci yerlərdən birini tutur. Almaniyada 100-dən çox sığorta şirkət var.
Azərbaycanda 2007-ci ilin yekunlarına görə ümumi Nizamnamə kapitalı 638 mln. manat olan 28 sığorta şirkəti və bir təkrarsığorta şirkəti fəaliyyəti göstərir.
Müəlliflə əlaqə saxlamaq üçün elektron ünvan: [email protected]
