Azərbaycan, Bakı, 16 may / Trend , /müxbir U.İsmayılova / Azərbaycanın cənub regionunda yerləşən Lənkəran şəhərində ətin qiyməti bahalaşıb. Trend -ın region müxbirinin məlumatına görə, bir kiloqram mal ətinin qiyməti beş manatdan alti manatadək bahalaşıb.
"Ətin qiyməti yemin qiymətinin qalxması səbəbindən artıb", - yerli satıcılar cümə günü bildirib.
Lənkəran şəhərində qoyun ətinin qiyməti alti mantdan yeddi manatadək qalxıb. Bəzi satış məntəqələrində qiymətlər cəmi 0,20-0,30 manat qalxıb.
"Gələcəkdə ətin qiymətinin aşağı enməsi gözlənilir", - yerli satıcılara istinadən müxbir bildirir.
Dövlət Statistika Komitəsinin məlumatlarına əsasən, mart ayında istehlakçı əmtəə mallarına və xidmət tariflərinə qiymət templərinin artımı 2008-ci ilin fevral ayı ilə müqayisədə 3,1 faiz təşkil etdiyi halda, birinci rübdə, müvafiq olaraq, keçən ilin yanvar-mart aylarında - 16,5 faiz təşkil edib. Mart ayı ərzində ərzaq məhsullarının qiyməti 4,5 faiz bahalaşıb. 2007-ci ilin birinci rübü ilə müqayisədə, ərzaq məhsullarının qiyməti 21,8 faiz artıb.
Müəlliflə əlaqə saxlamaq üçün elektron ünvan: [email protected]