Azərbaycan, Bakı, 19 may / Trend , müxbir İ.Xəlilova/ Cari ilin mart ayı ilə müqayisədə, apreldə istehlak mallarının qiymətləri və xidmət tariflərinin artım tempi 3,1 faiz, yanvar-apreldə isə, ötən ilin analoji dövrü ilə müqayisədə, 17,8 faiz təşkil edib. Bu barədə bazar ertəsi Dövlət Statistika Komitəsindən məlumat verilib. Dörd ay ərzində inflyasiyanın artım tempi 10,9 faizə çatıb.
Ərzaq mallarının qiymətləri aprel ayı ərzində 4,5 faiz, qeyri-ərzaq mallarının qiymətləri 1,7 faiz, xidmət tarifləri isə, 1 faiz bahalaşıb.
Ötən ilin yanvar-aprel ayları ilə müqayisədə, ərzaq mallarının qiymətləri 23,7 faiz, qeyri-ərzaq mallarının qiymətləri 9,8 faiz, xidmət sahəsinin tarifləri isə, 11,2 faiz artıb.
Aprel ayında mövsümi dəyişikliklərə məruz qalan və qiymətləri dövlət tərəfindən nizamlanan mal (meyvə və tərəvəz) və xidmətləri çıxmaq şərtilə, istehlaki qiymətlərinin baza indeksi
103,4 faiz, yanvar-apreldə isə, ötən ilin analoji dövrü ilə müqayisədə, 119 faiz təşkil edib.
Müəlliflə əlaqə saxlamaq üçün elektron ünvan :: [email protected]
