Azərbaycan, Bakı, 22 may/ Trend müxbir E.İsmayılov/ Azərbaycanın Nəqliyyat Nazirliyi Bakı yaxınlığında yeni beynəlxalq dəniz ticarət limanının tikintisinə dair tender elan etmək niyyətindədir. Bu barədə Azərbaycanın Nəqliyyat Nazirliyindən məlumat veriblər.
Əvvəllər layihələndirməni və tikintini bir şirkətin - Cənubi Koreyanın GS Engineering & Construction şirkətinin həyata keçirəcəyi nəzərdə tutulurdu. Lakin, bu layihənin dəyərinin əsassız artmasına səbəb ola bilər və bununla əlaqədar, nazirlik tenderin keçirilməsi haqqında qərar qəbul edib.
Hazırda GS Engineering & Construction Ələt qəsəbəsində yeni limanın layihələndirilməsini həyata keçirir. İlin sonuna limanın tikintisi üzrə işlərə başlamaq planlaşdırılır. Yeni limanın tikintisi Azərbaycanda ildə 10 mln. tondan çox yük aşırılmasını həyata keçirməyə imkan verəcək.
Limanın tikintisinin birinci mərhələsi 2008-2011-ci illəri, ikinci - 2011-2013-cü illər, dördüncü isə 2013-2015-ci illəri əhatə edəcək. Hər mərhələdə müəyyən infrastrukturun - quru yüklər üçün meydançanın, konteyner terminalının, böyük parkın yaradılması planlaşdırılır.
İlkin qiymətləndirmələrə görə, layihə $396 mln. , neft terminalı nəzərə alınmaqla isə $450 mln.-dan çox qiymətləndirilib. Lakin, son məlumatlara görə, birinci mərhələnin qiyməti əvvəllər planlaşdırılımış $225 mln.-dan $300 mln.-dək artıb.
Hökumət infrastrukturun yaradılmasını öz vəsaitləri hesabına həyata keçirmək niyyətindədir. Lakin, ola bilsin ki, işlərin 80 faizi xarici kreditlər hesabına maliyyələşdiriləcək. Asiya İnkişaf Bankı, AYİB, Dünya Bankı, Amerika bankları və s. maliyyə institutları layihənin maliyyələşdirilməsinə maraq göstərirlər.
Müəlliflə əlaqə saxlamaq üçün elektron ünvan: [email protected]
