Azərbaycan, Bakı, 26 may / Trend , müxbir İ.Xəlilova/ Beynəlxalq Maliyyə Korporasiyası (BMK) iyunun əvvəlində Azərbaycanda sərmayədarların hüquqlarının müdafiəsi və kapital bazarının inkişafına texniki yardım layihəsinin başladığını rəsmi olaraq elan edəcək. Bu barədə bazar ertəsi BMK-nın Azərbaycan Respublikasındakı nümayəndəsi Aliyə Əzimova məlumat verib. Bu məqsədlə layihənin meneceri Boris Devyak Bakıya gələcək.
Layihə beş milyon avro qiymətində dəyərləndirilir və beş ilə hesablanıb. Layihənin əsas hissəsi İsveçrənin İqtisadi Əməkdaşlıq üzrə Dövlət Katibliyi (Seco) tərəfindən maliyyələşdiriləcək. Vəsaitlər qismən BMK və "BP" neft şirkəti tərəfindən təqdim olunacaq. "BP" İqtisadi İnkişaf nazirliyinin komponenti - biznes- mühitin monitorinqi şöbəsinin maliyyələşdirilməsi üçün 0,5 mln. avro ayıracaq.
Əzimova bildirib ki, layihə çərçivəsində Maliyyə Korporasiyası ötən ilin sonlarından ölkədə kiçik və orta müəssisələrdən olan 1800 sahibkar arasında biznes- mühit üzrə sorğu keçirməyə başlayıb. Sorğunun nəticələri bu ilin ikinci rübündə ölkə hökumətinə təqdim edildikdən sonra açıqlanacaq.
"Bu, ölkə hökumətilə gələcək iş sahələrinin müəyyənləşdirilməsində kömək edəcək, - Əzimova qeyd edib. - Belə sorğular, sahələrdə tərəqqini müəyyən etmək məqsədilə, layihənin reallaşdırılması üzrə yekunda və onun gedişatında müəyyən sahələrdə kiçik sorğular keçirilməsi üçün hazırlanır".
Korporasiya nümayəndəsinin sözlərinə görə, Azərbaycanın İqtisadi İnkişaf Nazirliyinin biznes mühitində hazırlanmış metodologiyanın monitorinqinin keçirilməsi onun özünə həvalə ediləcək. Belə ki, nazirlik gələcəkdə monitorinq keçirmək istəyini ifadə edib.
Hazırda BMK biznes - mühitin həlli üzrə informasiya toplayır.
"Bəzi ölkələr vəziyyəti dəyərləndirir və biznes- mühitdə icazələr üçün siyahı hazırlayır və sonra hökumətlə birgə bu və ya digər qərarların nə dərəcədə məqsədəuyğun olduğunu qiymətləndirirdilər, - BMK nümayəndəsi bildirib. - Bu, icazənin verilməsinə və icazə dəyəri üzrə proseduru şəffaf etməyə imkan yaradıb. Biz ümid edirik ki, Azərbaycanda cari ildən başlayaraq, bu iş aparılacaq ".
BMK bir çox ölkələrdə biznes- mühit üzrə anoloji layihələri reallaşdırıb - Ukrayna, Gürcüstan, Rusiya və Mərkəzi Asiyada (bu yaxınlarda Tacikistan, Özbəkistanda layihənin reallaşdırılmasına başlanılacaq).
Müəlliflə əlaqə saxlamaq üçün elektron ünvan: [email protected]
