Azərbaycan, Bakı, 27 may / Trend , müxbir U.İsmayılova/ Cari ilin aprel ayında Bakının daşınmaz əmlak bazarında əsasən bir otaqlı mənzillər bahalaşıb. Bu barədə çərşənbə axşamı "MBA group" konsaltinq şirkətinin baş direktoru Nüsrət İbrahimov bildirib.
"Apreldə Bakıda bir otaqlı mənzillər orta hesabla 5,3 faiz bahalaşaraq 66260 dollara çatıb", - deyə İbrahimov vurğulayıb.
İbrahimovun sözlərinə görə, apreldə iki otaqlı mənzillərin qiyməti 4,1 faiz artaraq 111300 dollar, üç otaqlı mənzillərin qiyməti isə 3,2 faiz artaraq 168939 dollar təşkil edib.
Apreldə dörd otaqlı mənzillərin qiyməti 4,4 faiz artaraq 252308 dollar, beş otaqlı mənzillərin qiyməti isə 4,8 faiz artaraq 238130 dollar təşkil edib.
Aprel ayında Bakı üzrə mənzillərin orta qiyməti 4,9 faiz artıb və 138887 dollar təşkil edib.
Məqalə müəllifi ilə əlaqə ünvanı: [email protected]
