Azərbaycan, Bakı, 27 may/ Trend , müxbir İ.Xəlilova/ Azərbaycanın Maliyyə Nazirliyi əmlak və torpaq vergisini vahid vergidə birləşdirməyin qeyri-effektli olduğunu hesab edir.
"Biz bu məsələni Vergilər Nazirliyi ilə müzakirə etməyə hazırıq, lakin bunun üçün əvvəlcə belə praktikaya malik ölkələrin təcrübəsini öyrənmək və iki verginin vahid vergidə birləşdirilməsini iqtisadi baxımdan əsaslandırmaq lazımdır", - maliyyə nazirinin müavini Azər Bayramov bildirib.
O, hesab edir ki, bu vergilərdən hər birini ayrı-ayrı hesablamaq kifayət qədər çətindir. Onların birləşdirilməsi isə, hesablama prosesini daha da çətinləşdirəcək.
"Mən əmlak və torpaq vergilərinin daşınmaz əmlakın bəyannaməsi adlandırılaraq, vahid vergi inzibatçılığı sistemində birləşdirilməsinin əleyhinə deyiləm, - Bayramov bildirib. Lakin, bu vergilər üzrə hesablamaları birləşdirmək olmaz. Belə ki, ölkə iqtisadiyyatında vergi güzəştləri qalmaqda davam edir".
Müvafiq olaraq, kənd təsərrüfatı məhsulları istehsalçıları üçün vergi güzəştlərinin ləğvinin mümkün olmadığı hazırki dünya ərzaq təhlükəsizliyi problemi fonunda, yaxın 10 ildə Azərbaycanda vergi sistemini bərabərləşdirmək mümkün olmayacaq.
Bu təklifi irəli sürən Vergilər Nazirliyi, əsasən, vahid verginin tətbiq olunduğu dünya təcrübəsinə istinad edib. Vergilər Nazirliyinin nümayəndələri bildiriblər ki, torpaq daşınmaz əmlakın çox qiymətli tərkib hissəsi olduğu üçün, torpaq və əmlaka ayrı-ayrılıqda verginin tətbiq edilməsinə zərurət yoxdur.
Hazırki mərhələdə bu qərarın qəbul edilməsi həm də əsas kimi götürülməsi mümkün ola biləcək Qiymətli Kağızlar bazarının kifayət qədər inkişaf etməməsinə görə mümkün deyil.
Müəlliflə əlaqə saxlamaq üçün elektron ünvan: [email protected]