Azərbaycan, Bakı, 12 iyun/ Trend Cap , müxbir Ü.İsmayılova/Hazırda $100 min vəsaitin olması Bakıda yalnız birotaqlı mənzil almağa imkan verir. Təqribən $111 minə Azərbaycanın paytaxtında orta sahəsi 58 kvadrat metr olan birotaqlı mənzil almaq olar. Yeni tikilən binalarda analoji sahəyə malik təmirli mənzil $90 minə, təmirsiz sə $64 minə başa gələcək.
Əhali məhz yeni tikilən çoxmərtəbəli binalarda mənzil almağa üstünlük verir. Belə ki, təkrar daşınmaz əmlak bazarında mənzillər baha başa gəlir. Məsələn, Bakının arxitektura binasında orta sahəsi 58 kvadratmetr olan birotaqlı mənzil yeni tikilən binada analoji mənzildən üçdə bir dəfə baha başa gəlir və $154 minədir.
Ötən əsrin 40-cı illərinin sonunda tikilməsinə baxmayaraq, Bakıdakı bir çox arxitektura evlərə tələbat yüksək qalmaqda davam edir. Təkrar daşınmaz əmlak bazarında "İtaliya layihəli" üzrə tikilmiş mənzilin bir kvadrat metrinin Bakı üzrə orta qiyməti $1655, "Kiyev layihəli" - $1526, "Leninqrad layihəli" - $1677, "Minsk" - $1605, "Moskva" - $1565, "Alman" - $1632, "Stalin" - $2092, "Fransız" - $1649, "Xruşşovka"nın bir kvadrat metri isə $1952 başa gəlir.
2007-ci ilin avqustunda 25 nəfərin ölümünə səbəb olmuş tikilməkdə olan binanın uçmasından sonra Bakının ilkin mənzil bazarının fəallığının üçdə birini itirməsinə baxmayaraq, artıq 2008-ci ilin ilk aylarından əhali yenidən yeni tikilən binalarda mənzil almağa başlayıb. Mənzillərin qiymətinin artması buna dəlalət edir. Tələbat əsasən təkrar bazarla müqayisədə yeni tikilən binalarda mənzillərin qiymətinin nisbətən aşağı olması, həmçinin onlarda mərkəzləşdirilmiş ventilyasiya, isitmə sisteminin, İnternetə yüksək sürətli çıxışın, peyk televiziyasının olması ilə izah olunur.
Müəlliflə əlaqə saxlamaq üçün elektron ünvan: [email protected]
