Azərbaycan, Bakı, 13 iyun/ Trend Cap , müxbir İ.Xəlilova/ "Azərbaycan İnvestisiya Şirkəti " Səhmdar Cəmiyyəti iyulda Müşhaidə Şurasında "MKT İstehsal Kommersiya" MMC ilə birgə layihəyə sərmayələrin yatırılmasını təsdiqləməyi planlaşdırır. Bu barədə cümə günü AİŞ-in icraçı direktor müavini Riad Qasımov məlumat verib. İlkin hesablamalarına görə, AİŞ pambıq parça, trikotaj istehsalının təşkili, "Sumqayıt xovlu ipək"fabrikinin yenidən qurulması üçün 20 mln. manat sərmayə yatırmağı planlaşdırır.
"Biz əsas şirkətin - MKT-nin kapitalına vəsait yatırmaq və 20 faizədək iştirak payı almaq niyyətindəyik", - Qasımov qeyd edib.
Layihədə bir neçə istiqamət - zavodun tikintisi, kommersiya daşınmaz əmlakı üzrə istiqamətlər, o cümlədən Sumqayıtda toxuculuq fabrikinin tikintisi nəzərdə tutulur.
Hazırda AİŞ MKT-nin bu həftə təqdim etdiyi layihənin biznes-planını öyrənir. Əlavə maliyyələşdirməyə ehtiyac yaranarsa, İnvestisiya Şirkəti və Özəl Sektorun İnkişafı İslam Korporasiyasının təsis etdikləri Caspian International Investment Company-nin (CIIC) cəlb edilməsi mümkündür.
Sumqayıt trikotaj fabriki 2006-cı ildə MKT tərəfindən özəlləşdirilib.
İyunun 13-nə olan rəsmi məzənnə 0,8189 AZN/USD.
Müəlliflə əlaqə saxlamaq üçün elektron ünvan: cap