Azərbaycan, Bakı, 18 iyun/ Trend , müxbir Ü.İsmayılova/ Mayda Bakıda kommersiya obyektlərinin qiymətləri aprelə nisbətdə 7,6 faiz, 2007-ci ilin analoji dövrünə nisbətdə isə 36,8 faiz artıb. Bu barədə çərşənbə günü "Əmlak Bazarı İştirakçıları" İctimai Birliyindən məlumat veriblər.
Təşkilatdan bildiriblər ki, qeyri-yaşayış obyektlərinin icarə qiymətləri 1,7 faiz azalıb.
Mayda kommersiya daşınmaz əmlakın bir kvadrat metrinin qiyməti $3602. təşkil edib. Şəhərin I zonasında qiymətlər 2,1 faiz, II zonada 1,3 faiz azalıb. III zonada qiymətlər 6,1 faiz, IV zonada 8 faiz artıb.
Mayda bazarda təklif olunan kommersiya obyektlərinin sayı aprelə nisbətən 8,9 faiz artıb və bu, mövsümi yay dövrünün başlaması ilə bağlıdır.
Kommersiya obyektlərinin alqı-satqısı üzrə əməliyyatların sayı 4,3 faiz azalıb. Mayda əmlakın ekspozisiya müddəti 13,2 faiz artıb və bununla əlaqədar obyektin satış riski də yüksəlib.
Müəlliflə əlaqə saxlamaq üçün elektron ünvan: [email protected]
