Azərbaycan, Bakı, 27 iyun / Trend müxbir İ.Xəlilova/ Avropa İttifaqı Azərbaycanla danışıqlarda ölkənin Ümumdünya Ticarət Təşkilatına daxil olması barədə mövqeyini yumşaldıb. Bu barədə cümə günü danışıqlar qrupunun rəhbəri, Azərbaycan Respublikası xarici işlər nazirinin müavini Mahmud Məmmədquliyev deyib. Mövqelərin yumşaldılması bu günlərdə danışıqlar qrupunun Brüsseldə keçirilən son görüşündə müşahidə edilib.
"Danışıqlar kifayət qədər səmərəli və faydalı olub, lakin mallara tariflərin azaldılması istiqamətində, bazar xidmətlərinin liberallaşdırılması məsələləri üzrə davam etdiriləcək". Danışıqlar Azərbaycanın ÜTT-yə üzv ölkələr üçün yeni layihələrin hazırlanmasından sonra keçirilə bilər", - deyə Məmmədquliyev bildirib.
Aİ-nın mövqeyinin yumşalması xüsusilə gömrük tarifləri məsələlərində özünü biruzə verir. Aİ əvvəllər Azərbaycanda bu gün gömrük idxalına maksimum tarif səviyyəsi hesab edilən baum-tariflərin 15% - dək azaldılmasını təkid edirdi. Son danışıqlarda Aİ Azərbaycan tərəfindən daxili istehsalın maraqlarının dəstəklənməsi çərçivəsində təqdim olunan maksimum gömrük tariflərinin azaldılması barədə məsələləri müzakirə etməyə hazır olduğunu bildirib. Lakin bununla bərabər, tariflərin 15% azaldımasından danışılmır. ÜTT-yə üzv ölkələrə bəzi mallar üzrə Azərbaycanın təqdim etdiyi tariflərin yüksək səviyyəsi hətta 60%-70% çatır, - nazir müavini qeyd edib.
İlk görüş Brüsselldə mayın 24 - də keçirilib və daha çox tanışlıq xarakteri daşıyıb. Lakin müzakirələr Aİ-nın mövqeyini bildirdiyi bütün xidmət sahələri üzrə aparılıb.
Azərbaycana xarici sərmayələrin cəlb edilməsi və yeni iş yerlərinin açılması üçün Aİ , əvvəllər olduğu kimi, ölkədə bazar xidmətlərinin liberallaşdırılmasını tövsiyə edir. Xüsusilə də maliyyə, kommunikasiya sektorunda, distribüter xidməti və bölüşdürücü sahələrdə bazarların açılmasını təklif edir.
Maliyyə sektorunda bank və sığorta bazarlarına daxil olmağa maraq var. Bu həm milli qanunvericiliyin qanunları ilə fəaliyyət göstərməyəcək xarici bankların birbaşa filiallarının açılmasına, həm də sığorta bazarında məhdudiyyətlərin ləğv edilməsinə aiddir. Praktikada ÜTT-yə üzv olan ölkələr müəyyən tələblərin yerinə yetirilməsinə görə möhlət ala bilərlər. Məsələn, xarici kapitalın Ukrayna sığorta bazarında iştirakının liberallaşdırılması üzrə Ukraynaya beş illk vaxt verilib.
Aİ telekommunikasiya bazarının liberallaşdırılmasını təklif edir. Vaxtilə ABŞ ölkə qarşısında "Aztelekom"İB-nin beynəlxalq rabitə kanallarına monopoliyasının ləğv edilməsi barədə şərt qoyurdu.
Azərbaycan bununla bağlı keçid müddəti üçün 11 il möhlət istəyib. Lakin ABŞ və Aİ məhdudiyyətin maksimum üç il müddətində ləğv edilməsini təklif edirlər.