Azərbaycan, Bakı, 30 iyun / Trend , müxbir İ.Xəlilova/ "Zamin Bank" - Səhmdar-Kommersiya Bankı Ukraynada nümayəndəliyinin açılması üzrə hazırlıq prosesinə başlayıb. Bu barədə Bankın Müşahidə Şurasının sədri Nadir İsmayılov məlumat verib. Onun sözlərinə görə, açılış 2008-ci ilin sonlarınadək baş tuta bilər.
İsmailov bildirib ki, bankın 2008 -2012-ci illərdə strateji inkişafı üzrə gələcəkdə Ukraynanın bank bazarında törəmə bankın yaradılması planlaşdırıılır, lakin bu, 2009-cu ildən sonrakı planlara daxildir.
"Zamin Bank"ın ilk daimi nümayəndəliyi 2007-ci ildə Moskvada açılıb. Rusiya və Ukraynada birinci mərhələdə bankın əsas fəaliyyət sahəsi, ehtimal ki, təsisçisi "Zaminbank" olan "Caspian Money Transfer" vasitəsilə pul köçürmələri xidməti olacaq. Gələcəkdə bu ölkələrdə bank əməliyyatlarının həyata keçirilməsi istisna edilmir.
"Zamin Bank" artıq ölkədən kənarda təmsil olunan banklar arasında Azərbaycan Beynəlxalq Bankı və Qafqaz Bankından sonra üçüncü bank olub. Bu iki bank Gürcüstanda da təmsil olunur. "Zaminbank" da gəlcəkdə nümayəndəlik açmaqla Gürcüstanın bank bazarına daxil olmağı planlaşdırır. Hələ ki, o Gürcüstan bankları ilə müxbir hesabları vasitəsilə işləyir.
"İnterfaks-TSEA" tərəfindən təşkil olunan MDB ölkələrinin 1000 bankının reytinqi üzrə "Zaminbank" aktivlərinin həcminə görə, 691-ci yeri (2008-ci il yanvanı 1-i üçün $82 mln.), şəxsi kapitala ($14,5 mln.) görə isə, 637- ci yeri tutub.
İyunun 30-na olan rəsmi məzənnə 0,8116 AZN/USD -dir.
Məqalə müəllifi ilə əlaqə ünvanı: [email protected]