Azərabycan, Bakı, 10 iyul/ Trend , müxbir Ü.İsmayılova/ Qüvvədə olan Qanunvericiliyə cavab verməyən sığorta şirkətləri ləğv ediləcək, - cümə axşamı I Azərbaycan Beynəlxalq Sığorta Forumunun gedişi zamanı maliyyə naziri Samir Şərifov deyib.
"Dövlət Sığorta Nəzarəti, keyfiyyətin və müvafq maliyyə göstəricilərinin təmin edilməsi məqsədilə, bazarı yoxlayır", - Şərifov deyib.
Nazirin sözlərinə görə, yerli şirkətlərin kapitalında xarici sərmayədarların iştirakı üzrə 49 faizlik məhdudiyyətin ləğv edilməsi Azərbaycan sığorta bazarının inkişafına kömək edir.
Bu məhdudiyyətin ləğvi əcnəbilərin bazara daxil olaraq inkişafa yardım göstərmələrinə əlavə imkanlar yaradacaq. Bu cür məhdudiyyətlər martda qüvvəyə minən yeni Sığorta haqqnda Qanuna müvafiq olaraq ləğv edilib
"Lakin sığorta şirkətinin inkişafı üçün təkcə xarici sərmayələr deyil, həm də kapitallaşdırmanın artırılması lazımdır", - nazir deyib.
2007-ci ildə adambaşına düşən sığorta haqqının həcmi 17,2 manat olub ki, bu da 2003-cü ilin göstəricisindən 2,3 dəfə çoxdur. 2007-ci ildə Azərbayacnın sığorta şirkətlərinin ümumi Nizamnamə kapitalı 63,4 milyon manat təşkil edib ki, bu da 2003-cü il göstəricisindən 3,5 dəfə çoxdur. 2008-ci ilin birinci rübündə bu sektorun artımı 35 faizə çatıb.
Azəbaycan Sığortaçılar Assosiasiyasının təşkil etdiyi Forum iyulun 10-11-də keçirilir. O, ölkə sığorta bazarının inkişafı tendensiyalarına, Avropa dövlətlərinin sığorta bazarının təcrübəsinin respublika sığorta sektorunun inkişafına göstərdiyi təsirə, həyat sığortasının inkişafına, maliyyə sistemi və korporativ idarəetmə kimi Azərbaycan sığorta bazarının analizinə həsr edilib.
Forumun rəsmi sponsorları "Standard Insurance", "Bakı Sığorta", "ATA Sığorta", "AzerSıgorta", "Atəşgah", "AZ Sığorta", "Beynəlxalq Sığorta Şirkəti", "AzRE təkrarsığorta", "MBASK" şirkətləri və "Rusiya" sığorta cəmiyyətidir. Sponsor qismində "Audatex", "FADATA", "A Group", "Alfa Insurance", "Polish Reinsurance Company", "РОСНО", "Thames Insurance Group", "UnityRe", "SFS", "Ingosstrakh", "Qarant Sığorta" çıxış edirlər.
İnformasia dəstəyini Trend göstərir.
