Azərbaycanda yeni lizinq şirkəti yaradılır
Azərbaycan, Bakı, 11 iyul/ Trend , müxbir Ü.İsmayılova/Azərbaycanın ən böyük sığorta şirkətlərindən olan Qarant Sığorta şəxsi lizinq şirkətini açır, - Şirkətin Idarə Heyətinin sədri Vaqif Həsənov deyib.
"Yeni lizinq şirkəti hazırda qeydiyyatdan keçir", - Həsənov bildirib. Şirkətin adı hələlik bildirilmir.
Həsənovun sözlərinə görə, hazırda Qarant Sığorta Life törəmə şirkətinin yaradılması üçün beynəlxalq maliyyə institutları ilə danışıqlar aparır. Törəmə şirkətlərin yaradılması Sığota haqqında yeni Qanuna əsasən yaradılır. Life şirkətin açılması üçün orta hesabla 10 milyon manat lazım olacaq.
Qanuna əsasən, yerli şirkətlər üç il ərzində Nizamnamə kapitalını həyat sığortasına və digər sığortalara bölməlidirlər. Life törəmə şirkətinin açılması məhz buna görə lazımdır.
Həyat sığortası yığımlı olacaq. Qanuna əsasən, şirkətlər həta sığortasından yığdıqları haqları özlərində saxlaya bilməzlər və onları sərmayəyə yatırmalıdırlar.
Həsənovun sözlərinə görə, məhz bununla əlaqədar olaraq, lizinq şirkəti yaradılır.
Şirkət yaxın zamanda Nizamnamə kapitalını 1 milyon mantdan 5 milyon manatadək artırmağı planlaşdırır.
Qarant Sığorta Azərbaycan sığorta bazarında 2007-ci ilin noyabrından fəaliyyət göstərir. Şirkət cari ilin ilk rübünün nəticələrinə görə 0,32 milyon manat məbləğində sığorta haqqı yığıb. Bu dövr ərzində ödənişlər edilməyib. Şirkətin təsisçisi ZQAN Holdinqdir.
