...

Azərbaycanda özəl sektor öz məhsullarına patent almaq məsələsində fəal deyil - Standartlaşdırma üzrə Dövlət Agentliyi

Biznes və iqtisadiyyat xəbərləri Materials 17 İyul 2008 11:07 (UTC +04:00)

Azərbaycan, Bakı, 17 iyul/ Trend , müxbir S.Babayeva/ Azərbaycanda patent sistemi ölkədə istehsalatın əksər pay sahibi olan özəl sektorun qeyri-fəallığı səbəbindən zəif inkişaf edib, Bakıda keçirilən "İntellektual mülkiyyətin müasir idarəetmə sisteminin iqtisadi, sosial və mədəni inkişafı məqsədilə beynəlxalq sipozium"da Azərbaycanın Standartlaşdırma, Metrologiya və Patent üzrə Dövlət Agentliyinin patent şöbəsinin başçısı Miryaqub Seyidov deyib.

"Özəl sektor müəssisələrinin biznesdən böyük gəlir götürməyə başları qarışdığından, bu məsələyə ciddi yanaşmırlar", - o deyib.

Bununla belə, Agentliyin nümayəndəsinin sözlərinə görə, patentə malik onların isə marketinq sahəsindən xəbərləri olmadığı üçün, onu işdə necə tətbiq edəcəklərini bilmirlər.

Seyidov digər problem kimi bu məsələ üzrə maarifləndirmə işinin zəif olmasını qeyd edib.

İki günlük beynəlxalq simpozium Ümumdünya İntellektual Mülkiyyət Təşkilatının Azərbaycan Standartlaşdırma, Metrologiya və Patent üzrə Dövlət Agentliyi ilə birgə əməkdaşlığı sayəsində təşkil olunub və Azərbaycanda patent sisteminin yaradılmasının 15 illiyinə həsr edilib.

Simpoziumun işində Azərbaycandan olan sahibkarlarla bərabər, Türkiyə, Ukrayna, Rusiya, Rumıniya, Belarus, Gürcüsran və digər xarici ölkələrdən olan mütəxəssislər iştirak edir.

Xəbər lenti

Xəbər lenti