Azərbaycan, Bakı, 29 iyul/ Trend , müxbir E.İsmayılov/Koreyanın dəmiryolu mütəxəssisləri Bakıda Azərbaycan Dövlət Dəmir Yolu qatarlarının hərəkət sürətini artırmaq üçün yeni layihə təqdim edəcəklər,- çərşənbə axşamı ADDY-dən bildiriblər.
Əvvəlcə Azərbaycan Dövlət Dəmir Yolları koreyalı mütəxəssislərin təqdim etdikləri layihənin ilk iki variantını, çox baha olduğuna görə rədd edib. Layihənin dəyəri bildirilmir.
Layihədə iştirak edən Koreya şirkətinin təklifləri layihəninin üç mərhələdə həyata keçirilməsini nəzərdə tutur. Birinci mərhələ, Gəncədən Gürcüstan sərhədinədək, ikincisi, Bakıdan Hacıqabuladək və üçüncüsü - Hacıqabuldan Gəncəyədək olan yolların yenidən qurulmasıdır.
Koreyalı mütəxəssislərin təqdim etdiyi layihə, sərnişin qatarlarının hərəkət sürətini 150 km/saat, yük qatarlarının hərəkət sürətini 120 km/saat artırılmasını nəzərdə tutur.
Tədqiqatlar göstərir ki, bu layihə iqtisadi cəhətdən 2010-cu ildə məqsədəuyğun hesab edilə bilər. Belə ki, o vaxtadək biletlərin qiymətinin artırılması mümkün olacaq.
Layihə təsdiq edilsə, onun həyata keçirilməsi müddəti yeddi il (iki il layihələşdirməyə və beş il tikintiyə) təşkil edəcək. Gələcəkdə anoloji layihənin Rusiya sərhədi istiqamətində də həyata keçirilməsi mümkün ola bilər.Layihənin qarışıq sərmayələr, dövlət, özəl bank və şirkətlər hesabına həyata keçirilməsi nəzərdə tutulub.
Əvvəlcə koreyalı mütəxəssislər layihənin həyata keçirilməsi üzrə iki variant təqdim ediblər: mövcud şəraitin dəyişdirilməsi və hərəkətin saatda 100 km-dək, saatda 150 km və saatda 160 km artırılması.
Birinci variant $2,7 milyard sərmayə qoyuluşunu tələb edir. İkinci variant isə (daha üstün hesab edilən), sərmayə qoyuluşunun $3,5 milyard olmasını nəzərdə tutur. Üçüncü - hərəkətin saatda 160 km artırılması ikinciyə nisbətən az sərmayə - $4,3 milyard tələb edir.