Azərbaycan, Bakı, 07 avqust/ Trend , müxbir İ.Xəlilova/ Azərbaycan Mikromaliyyələşdirmə Bankı (AMMB) 2008 - ci ilin sonunadək xarici borcların həcminin 2 dəfə artacağını gözləyir. Bu barədə cümə axşamı bankın Baş meneceri Endrü Pospilovski məlumat verib.
Bank birinci yarımil ərzində $45 mln. məbləğdə xarici kredit cəlb edib. Ötən il AMMB -nin aldığı vəsaitlər $60 mln. olub. Ümumilikdə bankın cəlb etdiyi vəsaitlərin ümumi həcmi $142 mln. təşkil edir.
Dünya maliyyə böhranı nəticəsində xarici borclara çıxışın məhdudlaşması və sərmayədaların inkişafda olan ölkələrdə borcgötürənlərə daha ehtiyatla yanaşmağa başlamalarına baxmayaraq, AMMB vəsaitlərin cəlb edilməsi ilə bağlı problemlərlə üzləşməyb. Digər tərəfdən fondlaşdırma qiymətdə ciddi şəkildə bahalaşıb və borcların müddəti baxımdan daha mühafizəkar olub.
"Bankın imici, indi isə, Fitch Ratings-in reytinqi bizə yalnız sərmayədar tapmağa imkan verir və onlar borc üzrə pulların dəyərini bizim üçün 2007-ci ildən yüksək səviyyədə müəyyən etmirlər", - Pospilovski bildirib.
Bu həm də onunla bağlıdır ki, libor dərəcəsi bir il əvvəl 5 faizdən 3 faizə düşüb.
Fitch Reytinq Agentliyi Azərbaycan Mikromaliyyələşdirmə Bankınnın uzun müddətli defolt emitent reytinqini "BB+" səviyyəsində müəyyən edib. Bu, Azərbaycanın özəl maliyyə institutları arasında ən yüksək səviyyədir.
Azərbaycan Mikromaliyyələşdirmə Bankı mikro və kiçik müəssisələr, həmçinin, kiçik və orta gəlirli ailələrlə iş üçün yaradılıb. Bank 100% xarici kapitala malikdir. O, Avropa Yenidənqurma və İnkişaf Bankı, Beynəlxalq Maliyyə Korporasiyası, Qara Dəniz Ticarət və İnkişaf Bankı, KfW Alman İnkişaf Bankı (20% hər biri), strateji investor qismində mikromaliyyələşdirmə sahəsində fəaliyyət göstərən AccessHolding-in (16,5 faiz) və LFS Financial Systems GmbH alman Konsaltinq Şirkətinin (3.5%) mülkiyyətindədir.
Avqustun 7-nə olan cari məzənnə -- 0,8097 AZN/USD.
Müəlliflə əlaqə saxlamaq üçün elektron ünvan: [email protected]