Azərbaycan, Bakı, 09 avqust/ Trend , müxbir İ.Xəlilova/ Kürdəmir-Ucar avtomobil yolu layihəsinin məsləhətçisi - Almaniyanın RRİ şirkəti tikinti işləri üzrə Baş podraçtını müəyyən etmək üçün texniki sənədləşdirməni hazırlayıb. Bu barədə şənbə günü ölkənin Nəqliyyat Nazirliyindən məlumat veriblər Hazırda tender sənədləri Nəqliyyat Nazirliyi ilə razılaşdırılır. Əvvəllər tikinti işlərini 2007-ci ilin ikinci yarısında başlamaq planlaşdırılıb.
Kürdəmir-Ucar avtomobil yolunun uzunluğu 46,2 km təşkil edir. Əvvəllər ikixətli yolun tikintisi $18,3 mln. qiymətləndirilib. Lakin, tikinti materiallarının qiymət artımı ilə əlaqədar o, bahalaşıb. Budan əlavə, onu dördxətliyədək çatdırmaq barədə qərar qəbul edilib. Son hesablamalara əsasən, layihənin dəyəri $43,75 mln. təşkil edir. Dünya Bankı $35 mln. kredit ayırıb. Qalan vəsait isə ($8,75 mln.), Azərbaycan hökumətinin payına düşür.
Küveyt İqtisadi İnkişaf Fondu layihədə iştirakdan imtina etdikdən sonra, Azərbaycan hökuməti DB-yə bu yol sahəsini maliyyələşdirməyi təklif edib. Əvvəllər Fondun kreditin ayrılması barədə qərar qəbul etməsinə baxmayaraq, şərtlər üzrə razılıq əldə edilmədiyi üçün, danışıqlar dayandırılıb.
Küveyt Fondunun kreditinin məbləği 4,2 mln. Küveyt dinarına (təqribən $14,4 mln.) bərabər olub. Qalan hissəsinin maliyyələşdirilməsini hökumət öz üzərinə götürməliydi. İndi isə, DB-nin vəsaitləri hesabına tikinti üzrə xərclərin böyük hissəsini ödəmək planlaşdırılır.
Kürdəmir-Ucar yolunun TİƏ-si 1999-cu ildə, Küveyt Fondunun qrant vəsaitləri hesabına hazırlanıb.
Avqustun 9-na olan cari məzənnə -- 0,8109 AZN/USD.
Müəlliflə əlaqə saxlamaq üçün elektron ünvan - [email protected]