...

Gürcüstandakı vəziyyətlə əlaqədar Azərbaycanda xeyli sayda qatarın dayanması müşahidə edilir

Biznes və iqtisadiyyat xəbərləri Materials 21 Avqust 2008 13:15 (UTC +04:00)

Azərbaycan, Bakı, 21 avqust/ Trend , müxbir E.İsmayılov/ Şənbə günü Gürcüstanın Qara dəniz Poti, Batumi və Kulevi limanlarına aparan körpünün partladılması ilə əlaqədar olaraq, Böyük-Kəsik (Azərbaycan-Gürcüstan sərhədi) dəmir yolu stansiyasında neft və neft məhsulları ilə doldurulmuş 16-ya yaxın qatar dayanıb, - cümə axşamı Azərbaycan Dövlət Dəmir Yol İdarəsindən (ADDYİ) bildiriblər.

"Dünənki məlumatlara görə, Gürcüstanla sərhəddə neft və neft məhsulları ilə doldurulmuş 16 qatar dayanıb", - ADDYİ-dən deyiblər.

Gürcüstanın Kaspi şəhəri yaxınlığında yerləşən dəmir yolu körpüsünün partladılması səbəbindən dəmir yolu vasitəsilə neft və neft məhsullarının və quru yüklərin nəqli dayandırılıb.

"Yüklərin alternativ körpü vasitəsilə nəqli fikrindən, körpünün yararsız olması səbəbindən imtina olunub", - ADDYİ-dən bildiriblər. Alternativ dəmir yolu sahəsində təmir işləri bir neçə gün aparılıb. Körpü istifadəyə yararsız olduğundan ekspertlər onun həcmli yülkərin nəqlinə imkan verməməsi barədə rəy veriblər. Lakin alternativ yolla kiçik tonajlı qatarların hərəkəti mümkündür.

Tbilisi istiqamətində yük və sərnişin qatarlarının hərəkəti normal rejimdə həyata keçirilir, "bununla əlaqədar heç bir problem yoxdur", - ADDYİ-dən vurğulayıblar.

Xəbər lenti

Xəbər lenti