Azərbaycan, Bakı, 22 avqust/ Trend , müxbir İ.Xəlilova/ Fondlaşdırmanın azlığı ilə əlaqədar TBC Credit (əvvəllər SOA Credit adlanıb) bank olmayan kredit təşkilatı növbəti bir neçə ayda kredit portfelində əhəmiyyətli artımın olacağını gözləmir,- təşkilatın sədr müavini Əjdər Əliyev cümə günü bildirib. Bu səbəbdən 2008 - ci ilin sonuna kredit yatırımları üzrə proqnoz göstəricilərinin icrası çətin olacaq.
2008 - ci ilin sonunadək kredit portfelini $30 mln.-a çatdırmaq planlaşdırılıb. Hazırda o, $19,5 mln. səviyyəsində formalaşdırılıb.
TBC Credit bank olmayan kredit təşkilatı kimi məhdud bank lisenziyası ilə fəaliyyət göstərir. Depozitlər cəlb etmək imkanı olmadığından, TBC Credit cəlb edilmiş kredit vəsaitləri hesabına əməliyyatlar həyata keçirir. Xarici maliyyələşdirmənin cəlb edilməsi üzrə danışıqlar Avropa Yenidənqurma və İnkişaf Bankı (AYİB) və OPİC (Overcies Provide Investment Company) ilə aparılıb. Onlar kreditlərin ayrılmasını yubadırlar. Əliyevin sözlərinə görə, AYİB-in yay məzuniyyəti dövrü ilə əlaqədar, TBC Credit-in müraciətinin nəzərdən keçirilməsini təxirə salıb, OPİC-dən maliyyələşdirmənin alınması ilə bağlı yubatma onun büdcəsinin təsdiqi ilə bağlıdır. O, adətən, büdcəsini mayda təsdiq edir, lakin cari ildə bunu oktyabra keçirib.
"Əsasən, xaricdən kredit vəsaitlərinin cəlb edilməsi üzrə danışıqlar yalnız AYİB və OPİC ilə aparılıb, belə ki, onlarla artıq əməkdaşlıq qurulub. Digər beynəlxalq təşkilatlarla əlaqələrin qurulması üçün çox vaxt tələb olunur", - Əliyev bildirib.
TBC Credit bu səbəblərdən - yəni cəlb edilmiş kredit vəsaitlərinin yoxluğu ilə əlaqədar hazırda yalnız şəxsi vəsaitləri hesabına kredit ayırır. Paralel olaraq kredit təşkilatı digər maliyyə institutları ilə danışıqlara başlamağı planlaşdırır.
2008 - ci ilin sonunadək $30 - 40 mln. vəsait cəlb etmək planlaşdırılıb, hazırda isə TBC Credit-in cəlb etdiyi xarici kreditlərin həcmi $10 mln. səviyyəsindədir.
OPİC - Amerikanın Xarici Sərmayələr üzrə Dövlət Təşkilatı SOA Credit-in maliyyələşdirilməsinə 2004 - cü ildə başlayıb. $2,5 mln. həcmində birinci kredit xətti 7 ilə, $7,5 mln. həcmində ikinci kredit xətti i 9,5 ilə hesablanıb. Sonuncu kredit 2007- ci ildə alınıb və tam mənimsənilib.
OPIC-in vəsaitləri biznes kreditlərin və kredit təşkilatının ipoteka proqramının maliyyələşdirilməsinə yönəldilir.
Ötən il AYİB - dən Azərbaycanda mikro və orta sahibkarlığın inkişafına $2 mln.məbləğdə kredit alınıb.
Cari ildə bank xaricdən kredit cəlb etməyib.
2008-ci ilin əvvəlində TBC Bank-ın daxil olmasınadək SOA Credit-in 100 faizlik təsisçisi Amerikanın Shorebank qrupuna daxil olan Shorebank International beynəlxalq Konsaltinq Şirkəti olub. Gürcüstan bankı kredit təşkilatında 75 faiz iştirak payına malikdir.
Avqustun 22-nə olan cari məzənnə -- 0,8129 AZN/USD
Müəlliflə əlaqə saxlamaq üçün elektron ünvan: [email protected]