Azərbaycan, Bakı, 22 avqust/ Trend , müxbir S.Babayeva/ Azərbaycanda 2007-ci ilin payız səpini və 2008 -ci ilin yaz səpini dənli və dənli-paxlalı bitkilərinin istehsalı rekord səviyyədə olcaq,- ölkənin kənd təsərrüfatı naziri İsmət Abbasov cümə günü bildirib.
Onun sözlərinə görə, 3,5 mln. ton həcmində ümumi istehsal proqnozlaşdırılır. Bunun 2,3 mln. tonunu taxıl, 1,3 mln. tonunu isə, ərzaq taxılı təşkil edəcək.
Abbasov bildirib ki, Azərbaycanda ərzaq taxılına olan illik tələbat təxminən 1,6 mln. tona bərabərdir.
"Gələcəkdə Azərbaycan ərzaq taxılına olan daxili tələbatını tamamilə ödəyə biləcək", - nazir bildirib.
Müəlliflə əlaqə saxlamaq üçün elektron ünvan: [email protected]
