...

Azərbaycanın aparıcı özəl bankı xarici kreditlər cəlb edilənədək ipoteka kreditləşməsini dayandırıb

Biznes və iqtisadiyyat xəbərləri Materials 24 Sentyabr 2008 19:27

Trend-i buradan izləyin

Azərbaycan, Bakı, 24 sentyabr/ Trend , müxbir İ.Xəlilova/ "Azərbaycanın aparıcı banklarından biri - Bank Respublika səhmdar - kommersiya bankı uzunmüddətli  maliyyələşdirmə cəlb edildikdən sonra ipoteka kreditləşməsini bərpa etməyə hazırdır", - bankın risk - menecment Departamentinin direktoru Aqşin Əmirov çərşənbə günü bildirib.

Onun sözlərinə görə, hazırda mənzil maliyyələşdirməsi üçün uzunmüddətli kreditlərin cəlb edilməsi üzrə Avropa Yenidənqurma və İnkişaf Bankı (AYİB) və Deutsche Entwicklungsgesellschaft (DEG, KfW banking group-un üzvü) ilə danışıqlar aparılır.

AYİB Azərbaycan bankına $10 mln., DEG isə $15 mln. vəsait təqdim etməyə hazırdır.

"Mənzil maliyyələşdirməsinin Amerikanın ipoteka böhranı ilə üzləşməməsi üçün uzunmüddətli kreditlər lazımdır və onların cəlb edilməsindək ipoteka kreditləşməsini müvəqqəti dayandırmışıq", - Əmirov bildirib.

Oktyabrın əvvəlində kredit sazişlərinin imzalanacağı gözlənilir və cari ay ərzində bu kredit institutlarının vəsaitləri cəlb olunacaq. Kreditlər yeddi ildən 10 ilədək müddətə ayrılsa da, faiz dərəcələri hələ razılaşdırılır. Bank Respublika gələcək kreditləşmə zamanı məhz bu şərtlərə əsaslanmaq niyyətindədir.

AMB nəzdində fəaliyyət göstərən Azərbaycan İpoteka Fondu (AİF) 2007- ci ilin iyulunda ipoteka kreditlərinin verilməsini dayandırdıqdan sonra, Bank Respublika, şəxsi proqramı çərçivəsində, mənzil maliyyələşdirməsini davam etdirib. Bu gün Bankın ipoteka portfelinin həcmi 20 mln. manatı ötür. Mövcud portfel şəxsi proqram üzrə verilən kreditlər və Azərbaycan İpoteka Fondunun xətti üzrə cəlb edilən vəsaitlər hesabına maliyyələşdirilib.

Bank Respublika-nın ipoteka kreditləri 10 il müddətinə illik 15 -18 faiz dərəcəsi altında verilir.

2007 - ci ilin əvvəlində AİF - in vəsaitləri hesabına kreditləşmə şərtlərinə yenidən baxıldıqdan və ötən ilin sonunda kreditləşmə dayandırılanadək, şərtlər aşağıdakı kimi olub: kreditlər 30 il müddətinə, illik 4-8 faiz dərəcəsi üzrə, 15 faiz ilkin ödənişlə verilib.

Sentyabrın 24 - nə olan cari mübadilə məzənnəsi: 0,8078 AZN/USD

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti