Azərbaycan, Bakı, 08 oktyabr/ Trend , müxbir İ.Xəlilova/ "Azərbaycan Milli Bankı (AMB) mərkəzləşdirilmiş statistik məlumat bazasının yaradılması üçün İsveçrənin İqtisadi Məsələlər üzrə Dövlət Katibliyinin (Seco) texniki yardımını alacaq", - Statistika Departamentinin direktoru Elşən Cəfərov çərşənbə günü bildirib.
Mərkəzləşdirilmiş məlumat bazası yaradılarkən, əsas diqqət İsveçrə, Türkiyə və Çexiyanın təcrübəsinə cəmləşdiriləcək.
"Hazırda artıq Seco - nun ekspertləri ilə məsləhətləşmələr başlayıb; onlar yazılı əsasda öz tövsiyyələrini təqdim edirlər", - Cəfərov bildirib.
Statistik məlumat bazasının tətbiqinin dəyəri dəqiqləşdirilir və hesablamaları ilin sonunadək başa çatdırmaq planlaşdırılır. İsveçrənin Dövlət Katibliyi ilə sazişi Milli Bankın həm şəxsi, həm də xarici vəsaitlər hesabına həyata keçirəcəyi işlərin həcmi müəyyən edildikdən sonra imzalamaq planlaşdırılır. Layihənin realizə müddəti iki-üç ildir.
"Bəzi ölkələr bu istiqamətdə işlərin həyata keçirilməsi üçün tender əsasında xarici ekspertləri cəlb edilər", - Cəfərov bildirib.
Yeni məlumat bazasının yaradılmasına zərurət mövcud sisteminin təkmilləşdirilməsi və beynəlxalq standartlara yaxınlaşdırılması ilə bağlıdır.
Məlumat bazasını Milli Bankda Statistika və Araşdırmalar Departamentinin restrukturlaşdırılmasından sonra yaradılmış Statistika Departamenti üçün təşkil etmək nəzərdə tutulur. İndi bu departament bank nəzarəti və sikkə bazası üzrə statistika aparacaq.
Hazırda Seco Milli Banka üç istiqamətdə - ekonometrik tədris və treninqlər, maliyyə proqramlaşdırması və real sektorun monitorinqi istiqamətləri üzrə yardım təqdim edəcək. Bundan əlavə, AMB - nin əməkdaşları üçün maliyyə proqramlaşdırması layihəsi çərçivəsində, beynəlxalq və makroiqtisadi hesablar üzrə treninqlər keçirilir.
Müəlliflə əlaqə saxlamaq üçün elektron ünvan: [email protected]