Azərbaycan, Bakı, 13 oktyabr/ Trend / їGürcüstandakı münaqişə ilə əlaqədar məhdudiyyətlərin tətbiq edilməsindən sonra, Azərbaycan Dövlət Dəmir Yolu tərəfindən yüklərin daşınması tamamilə normallaşıbї, - Azərbaycan Dövlət Dəmir Yolunun (ADDY) baş mühəndisi Qurban Nəzirov bazar ertəsi bildirib.
їİtki olmayıb. Daşınmaların azalması ilə əlaqədar, ötən illə müqayisədə, yüklərin həcmi azalıb. Lakin doqquz ayın yekunları üzrə fərq sıfıra endirilibї, - Nəzirov bildirib.
Belə ki, sentyabrda ADDY təxminən 21 mln. ton yük daşıyıb ki, bu da ötən ilin göstəricisindən 0,4 faiz (83 min ton) çoxdur. ї2008 - ci ilin sonunadək 30 mln. ton yük və 5 mln. sərnişin daşımaq planlaşdırılırї, - Nəzirov bildirib.
Onun sözlərinə görə, tranzit daşınmalarında ї xüsusilə də Rusiyadan İran ərazisinə gedən yüklərin daşınmasında həcmlərin azalması müşahidə olunsa da, bu gün hər şey bərpa olunub.
Azərbaycanın dəmir yollarının ümumu uzunluğu 2930 km təşkil edir. ADDY- nin istismar edilən uzunluğu 2100 kilometrdir. Bunun 815 kilometri ikixətli dəmir yoludur. Azərbaycan Dövlət Dəmir Yolunun 60 faizi elektrikləşdirilib, qalan 40 faiz üzrə hərəkət teplovozların köməyi ilə həyata keçirilir.
