Azərbaycan, Bakı, 21 oktyabr/ Trend , müxbir Ü.İsmayılova/ Sentyabrda Bakının avtomobil bazarında təkliflərin 10,7 faiz azalması müşahidə edilib, -"Əmlak Bazarı İştirakçıları" İctimai Birliyindən çərşənbə axşamı bildiriblər.
Təkliflərin azaldılması, Bakı şəhəri İcra Hakimiyyətinin yayda bütün qanunsuz avtomobil satışı məntəqələrini ləvğ etmək və maşınların satışını Yasamal rayonundakı avtomobil bazarında (Patamdar qəsəbəsi) cəmləşdirmək barədə göstəriş verməsi, yerli bankların istehlak kreditləşdirməsini dayandırması ilə əlaqədar, avtomobil bazarının kredit portfelinin azalması ilə bağlıdır.
Avtomobillərə tələbat da 6,1 faiz azalıb. Əvvəlki ayda olduğu kimi, sentyabrda ilkin bazarda maşınların qiyməti 21 min dollar səviyyəsində qalıb. Təkrar bazarda qiymətlər 9,4 faiz azalıb.
Sentyabrda avtomobillərin ekspozisiya müddəti 5 gün - 59 günədək artıb. Buna müvafiq olaraq, avtomobil bazarının riski artaraq, likvidliyi azalıb ki, bu da ,öz növbəsində, bazarda yalnız rəqabətqabiliyyətli şirkətlərin qalmasına gətirib.
Sentyabrda Bakının təkrar avtomobil bazarına 5 min avtomobil təklif ediib. Onların yalnız 30 faizi sentyabrda bazara daxil olub. Qalan nəqliyyat vasitələri ötən aylardan bazarda qalıb.
Müəlliflə əlaqə saxlamaq üçün elektron ünvan: [email protected]