Azərbaycan, Bakı, 03 noyabr/ Trend , müxbir İ.Xəlilova/ "Beynəlxalq Maliyyə Korporasiyası (BMK) lizinq əməliyyatları üçün beş mln. dollar məbləğində kredit xəttinin açılması üzrə saziş layihəsini Azerdemiryolbank-ın müzakirəsinə təqdim edib", - bankın İdarə Heyəti sədrinin müavini Şahin Mirzəyev bildirib. Kredit beş il müddətinə təqdim edilir.
Bankın İdarə Heyəti sədrinin müavini sazişin Maliyyə Korporasiyasının missiyasının noyabrın əvvəlində Bakıya səfəri zamanı imzalancağını istisna etməyib.
Ümumi dəyəri 15 mln. dollar olan və ipoteka, lizinq, ticarət maliyyələşdirməsi üçün nəzərdə tutulan üç kredit xəttindən ibarət kredit paketi BMK- nın Direktorlar Şurası tərəfindən 2008-ci ilin yayında təsdiq edilib. Avqustda Korporasiyanın ipoteka proqramı üzrə müqavilə imzalanıb.
Azərbaycan bankı lizinq əməliyyatlarının maliyyələşdirilməsi üzrə müqavilə bağlananadək ölkədə Beynəlxalq Maliyyə Korporasiyasının tələblərini ödəyən lizinq əməliyyatlarının həyata keçirilməsi üzrə yeni siyasət hazırlamalıydı. Azerdemiryolbank lizinq əməliyyatlarına təxminən doqquz ay əvvəl başlayıb.
Bu gün bankın şəxsi lizinq proqramı və daxili prosedurları var. Bankın lizinq portfeli 4 mln. manatı ötür.
BMK-ın kreditinin lizinq əməliyyatlarına cəlb edilməsi faiz dərəcələrinin bahalaşmasına gətirəcək. Hazırda dərəcələr ilkin əmanət, biznes sahəsindən asılı olaraq 21-22 faiz təşkil edir. BMK-ın şərtlərinə əsasən, korporasiyanın vəsaitləri hesabına həyata keçirilən bu əməliyyatara hüquqi şəxslərin çıxışı olacaq.
Azerdemiryolbank hələ ki lizinq şöbəsinin statusunu dəyişmək niyyətində deyil, belə ki, mövcud qanunvericlik banka lizinq əməliyyatları aparmağa imkan verir.
Və yalnız vergi qanunvericiliyində dəyişkliklərdən sonra, ixtisaslaşmış şirkət yaratmaq məna kəsb edəcək. Belə ki, bu iqtisadi məqsədəuyğunluq məsələsinə, lizinq əməliyyatlarının bankın biznes-fəaliyyətinə təsirinə və daxili rəqabətə söykənir.
Noyabrın 3- nə olan cari mübadilə məzənnəsi -- 0,8087 AZN/USD.
Müəlliflə əlaqə saxlamaq üçün elektron ünvan: [email protected]
