Azərbaycan, Bakı, 17 noyabr/ Trend , müxbir N.İsmayılova/ Böyük Britaniya Azərbaycana yatırılan sərmayələrin həcminə görə lider mövqeyini qorumaqda davam edir və 10 ay ərzində onun xüsusi çəkisi xarici sərmayələrin ümumi həcminin 46,5 faizini təşkil edib. Bu barədə bazar ertəsi Dövlət Statistika Komitəsindən məlumat veriblər. Buna baxmayaraq, onun sərmayələri ötən ilin analoji dövrü ilə müqayisədə 8,4 faiz azalıb və 872,69 mln. manat olub.
Yanvar-oktyabr ərzində xarici ölkələr və beynəlxalq təşkilatlar tərəfindən Azərbaycan iqtisadiyyatına yatırılmış sərmayələrin 93,9 faizi (1760,1 mln. manat) Böyük Britaniya, ABŞ, Yaponiya, Norveç, Türkiyə və Cənbui Koreyadan olan sərmayədarların payına düşür.
Amerika sərmayələri 27,4 faiz azalaraq 374,93 mln. manat (xüsusi çəkisi 20 faiz), yapon - 28,4 faiz azalaraq 192,59 mln. manat (10,3 faiz), Norveç - 29 faiz azalaraq 120,31 mln. mln. manat (6,4 faiz), türk - 0,3 faiz azalaraq 132,71 mln. manat (7,1 faiz) olub. Almaniyanın sərmayələri 6,7 dəfə artaraq 28,41 mln. manat (1,5 faiz), Fransa -2,7 dəfə artaraq 21,51 mln. manat (1,1 faiz), Rusiya - 6,8 dəfə artmaqla - 9,92 mln. manat (0,5 faiz) Iran - 26,3 faiz azalmaqla - 9,49 mln. manat (0,5 faiz) təşkil edib.
Beynəlxalq maliyyə institutlarından ən böyük - 29,66 mln. manat həcmində sərmayə 17,2 artımla və xüsusi çəkisi 1,6 faiz olmaqla Dünya Bankı tərəfindən yatırılıb. Asiya Inkişaf Bankı yanvar-oktyabrda Azərbaycanda reallaşdırılan layihələrə azalma 36,7 faiz olmaqla (xüsusi çəkisi 0,5 faiz) 8,88 mln. manat, İslam İnkişaf Bankı - artım 2,3 dəfə olmaqla, 8,42 mln. manat (0,4 faiz), AYİB - azalma 74,2 faiz olmaqla, 5,44 mln. manat (0,3 faiz), Küveyt Iqtisadi Inkişaf Fondu - artım 8,1 faiz olmaqla, 2,92 mln. manat (0,2 faiz) vəsait yatırıb. Uşaqların Müdafiəsi üzrə Beynəlxalq Təşkilat 15 min manat sərmayə yatırıb.
Noyabrın 17-nə olan cari mübadilə məzənnəsi -- 0,8098 AZN/USD.
Müəlliflə əlaqə saxlamaq üçün elektron ünvan: [email protected]
