Gürcüstan, Tbilisi, 18 noyabr / Trend , müxbir N.Kirtsxaliya/ "Gürcüstan valyuta bazarında stabillik göz qarşısındadır. Artıq Milli Bankın dollar aldığı beşinci birja hərracları keçirilib", - çərşənbə axşamı Milli Bank prezidentinin səlahiyyətlərini icra edən David Amaqlobeli Maliyyə Siyasəti üzrə Kordinasiya Şurasının toplantısının nəticələrinə əsasən deyib.
"Bu, yeni məzənnə siyasətinin (larinin məzənnəsinin nizamlanmasında tarazlıq nöqtəsi əldə etmək üçün) bir hissəsidir və sonra valyuta bazarında əhəmiyyətli dəyişmələri gözləmək lazım olmayacaq", - Milli Bankın rəhbəri söyləyib.
Söhbət milli valyutanın və dolların yeni tarazlıq nöqtəsindən gedir. Məzənnənin düşməsindən sonra bir dollar 1,65 lariyə bərabər olub. Milli Bankın məlumatına görə, 1 dolların məzənnəsi 1,62 laridən - 1,67 lariyədək dəiyşə bilər.
"Ölkəyə əlavə valyuta daxil olandan sonra stabil məzənnə əldə etmək mümkün olub, bu valyutanın bir hissəsi Milli Bankın valyuta ehtiyatlarının artırılmasına, dijgər hissəsi dövlət büdcəsinə yönəldilib", - Amaqlobeli qeyd edib.
Onun sözlərinə görə, ilin sonunadək Gürcüstana beynəlxalq təşkilatlardan 110 mln. dollar daxil olacaq.
Müəlliflə əlaqə ünvanı: [email protected]