Azərbaycan, Bakı, 21 noyabr/ Trend , müxbir İ.Xəlilova/ Moody's Investors Service beynəlxalq reytinq agentliyi Azərbaycan Beynəlxalq Bankının (ABB) reytinqini yenidən "Baa2/Prime2" səviyyəsində təsdiq edib.
"Dünya maliyyə böhranı və onunla bağlı digər ölkələrin aparıcı banklarının kredit reytinqlərinin azaldılması şəraitində, ABB - nin yüksək reytinqinin təsdiq edilməsi xüsusilə diqqətəlayiqdir", - bankın mətbuat xidmətindən cümə günü bildiriblər.
ABB Moody's-dan ilk reytinqini 2006 - cı ilin sonunda alıb. O zaman Beynəlxalq Bankın milli valyutada uzunmüddətli reytinqi "Baa2", qısamüddətli reytinqi "Prime -2 (P-2)" qiymətləndirilib. Xarici valyutada uzunmüddətli reytinq "Ba2" səviyyəsində qiymətləndirilib. Agentlik reytinqin dəyişməsinə sabit proqnoz verib. 2008 - ci ilin iyulunda Moody's bankın uzunmüddətli və qısamüddətli reytinqlərini təsdiqləyib və dəyişmə proqnozunu "sabitdən" "müsbətədək" artırıb.
Bankın reytinqinin hazırki təsdiqlənməsi (yalnız milli deyil, region bankları arasında da ən yüksək) qlobal maliyyə və iqtisadi böhran şəraitində əlamətdardır;
kolliziyalara baxmayaraq, agentliklərin müxtəlif bankların kredit reytinqlərini azaltmaları fonunda, ABB öz mövqelərini əminliklə saxlayır
Azərbaycan Beynəlxalq Bankı Fitch Ratings-dən də yüksək reytinq alıb. Fitch hələ 2007- ci ilin sentyabrında ABB - nin uzunmüddətli reytinqini "BB"dən "BB+"dək artırıb. Bu hadisənin unikallığı ondadır ki, maliyyə idarəsi ölkə göstəricisinə bərabər reytinq ala bilib. Uzunmüddətli reytinqin artırılması və ABB - nin uzunmüddətli reytinqinin dəstək səviyyəsinin dəyişdirilməsi bankın sistemli əhəmiyyətinə artan sübutlarla şərtlənmişdi.
2007- ci il ABB 74,5 mln. manat məbləğində birləşdirilmiş xalis mənfəət əldə etdiyini elan edib (2006 - cı ildəki 43,2 mln. dollara qarşı 88,1 mln. dollar). 2007- ci ildə bankın aktivləri, ötən illə müqayisədə, 47 faiz artıb və 2,7 mlrd. manat təşkil edib (2006 - cı ildəki 2,12 mlrd. dollara qarşı 3,2 mlrd. dollar).
ABB - nin səhmlərinin 50,2 faizi dövlətin mülkiyyətindədir.
Müəlliflə əlaqə saxlamaq üçün elektron ünvan: [email protected]