Azərbaycan, Bakı, 22 noyabr/ Trend , müxbir Ü.İsmayılova/ Azərbaycanda turizm sektoru 2008 -ci il ərzində 50 faiz artıb. Bu barədə şənbə günü "Turizm və dəyişikliklər: problemlər və perspektivlər" ümumrespublika elmi - praktik konfransında Azərbaycanın mədəniyyət və turizm naziri Əbülfəs Qarayev bildirib.
Nazir bildirib ki, birinci yarımilin yekunları üzrə bu sahədə artım tempi 30 faiz təşkil edib, 20 faizlik artım isə, ilin sonunadək təmin olunacaq.
Onun sözlərinə görə, 2009-cu ildə Azərbaycanda turizm üzrə əlavə olaraq 25 faizlik artım gözlənilir.
Bakı 2009 - cu ilin islam paytaxtı elan edilib, bu, turistlərin cəlb edilməsi üçün əlavə imkanlar yaradacaq.
"Düşünürəm ki, Bakıda keçiriləcək bütün tədbirlər təkcə bakılıların deyil, dünyanın digər ölkələrindən olan insanların da diqqət mərkəzində olacaq", - deyə nazir bildirib.
Qarayevin fikrincə, dünyanın bir çox ölkələrində turizm ayrıca sənayedir və böyük sərmayə axını üçün əsas mənbə rolunu oynayır. Nazir hesab edir ki, turizmin bu cür inkişaf tendensiyası Azərbaycan üçün də mühümdür. Bu məqsədlə Turizm Nazirliyi bütün regional muzeylərə, qoruqlara, onların mühafizəsinin gücləndirilməsi üçün müraciət edib ki, bu da xarici və yerli turistlərin cəb edilməsinə imkan yaradır.
"Biz Azərbaycanın turizm sahəsinin inkişafını elə bir səviyyəyə çatdırmaq istəyirik ki, dünyanın bütün turizm kataloqlarında Azərbaycan barədə informasiyalar olsun", - nazir bildirib.
Azərbaycan Dövlət Statistika Komitəsinin məlumatına görə, altı ay ərzində Azərbaycanın türizm şirkətləri ümumi məbləği 4,4 mln. manat olan 14,4 min səyahət bilet satıblar. Bu dövr ərzində turizm şirkətləri tərəfindən dünyanın müxtəlif ölkələrindən 82 min turist qəbul olunub, xaricə isə, 20,3 nəfər göndərilib.
Noyabrın 22-nə olan rəsmi məzənnə 0,8099 AZN/USD təşkil edir.
Məqalə müəllifi ilə əlaqə ünvanı - [email protected]
