Azərbaycan, Bakı, 26 noyabr/ Trend , müxbir Ü.İsmayılova/ Milli Bank yanında Azərbaycan İpoteka Fondu (AİF) səlahiyyətli bankların verdikləri 63,3 mln. manat məbləğində ipoteka kreditlərini təkrar maliyyələşdirib ki, bu da ipoteka portfelinin ümumi həcminin 93 faizini təşkil edir, - AİF-dən çərşənbə günü bildiriblər. 2006-cı ilin martından 2007-ci ilin iyununadək - AİF mənzil alqısının maliyyələşdirilməsi üzrə fəal əməliyyatlar apardığı vaxtda banklar 67,9 mln. mant məbləğində ipoteka kreditləri veriblər.
"Qalan 4,6 mln. manat səlahiyyətli banklardan sənədlər daxil olduqca AİF tərəfindən təkrar maliyyələşdiriləcək", - AİF-dən bildiriblər.
Azərbaycanın dövlət büdcəsində 2005 - 2008 - ci illərdə AİF vasitəsilə maliyyələşdirmə üçün 80 mln. manat nəzərdə tutulub ki, bu vəsaitdən artıq 68 mln. manat ayrılıb.
Azərbaycan İpoteka Fondu vəsait çatışmazlığı ilə əlaqədar 2007- ci ilin yayından kreditlərin verilməsini dayandırıb. 2005-2006 - cı illərin dövlət büdcəsindən Fonda 25 mln. manat, 2007-ci ilin büdcəsindən 20 mln. manat ayrılıb. 2008 - ci ilin dövlət büdcəsində AİF- in maliyyələşdirilməsi üçün nəzərdə tutulan 34 mln. manat vəsaitdən 22 mln. manat məbləğində iki tranş ayrılıb.
Noyabrın 26 - na olan cari mübadilə məzənnəsi -- 0,8074 AZN/USD
Müəlliflə əlaqə saxlamaq üçün elektron ünvan - [email protected]
