Azərbaycan, Bakı, 29 noyabr/ Trend / Londonda Beynəlxalq Dəniz Təşkilatının (BDT) dənizdə təhlükəsizlik komitəsinin 85-ci sessiyası öz işini başa çatdırıb, - Azərbaycan Dövlət Dəniz Administrasiyasının məlumatında bildirilir.
Sessiyada beynəlxalq terrorçuluq və dəniz quldurluğu ilə mübarizənin gücləndirilməsi, dəniz yolları və gəmilərin mühafizəsi, dəniz səfərlərinin təhlükəsizliyi, gəmilərin davamlılığı, ətraf mühitin mühafizəsi məsələləri nəzərdən keçirilib.
BDT-ə üzv ölkələr yeni gəmilərə qarşı tətbiq edilən standartlar, dənizçilərin hazırlanması və sertifikatlaşdırılması, təhlükəsizlik, təhlükəli yüklərin daşınması zamanı texniki təhlükəsizlik qaydalarına əməl olunması baxımından insan amilinin qiymətləndirilməsinə dair qətnamələr qəbul ediblər.
Azərbaycanı bu sessiyada respublikanın Dövlət Dəniz Administrasiyasının rəhbəri Qüdrət Qurbanovun rəhbərlik etdiyi nümayəndə heyəti təmsil edib.
