Azərbaycan, Bakı, 02 dekabr/ Trend , müxbir Ü.İsmayılova/ Azərbaycan parlamenti çərşənbə axşamı Xəzər dənizinin 20 -50 metrlik sahil xəttində yerləşən torpaq sahələrinin şəxsi mülkiyyətə verrilməsinə icazə verib.
Bu yenilik "Torpaq islahatı haqqında" Qanuna və Torpaq Məcəlləsinə dəyişiklik və əlavələrin edilməsi nəticəsində qəbul edilib.
"Belə qərarın qəbul edilməsinin əsas məqsədi dəniz sahilində yerləşən şəxsi mülkiyyət obyektlərinin uçurdulması riskinin azaldılmasıdır", - parlamentin Aqrar siyasət komissiyasının rəhbəri Eldar İbrahimov bildirib.
Mövcud Torpaq Məcəlləsinə əsasən, Xəzər dənizinin 80 - 130 metrlik sahil xəttində yerləşən, Azərbaycan Respublikasına məxsus torpaq sahələri dövlət mülkiyyətində qalaraq, zəbt edilə bilməz və müvafiq icra hakimiyyəti orqanının qərarı ilə istifadəyə və icarəyə verilə bilər. Xəzər dənizinin 80 - 130 metrlik sahil xəttində yerləşən istifadəyə və icarəyə verilən torpaq sahələri hasarlama yolu ilə və ya digər üsullarla bağlanıla və dəniz sahilinə yol məhdudlaşdırıla bilməz.
Müəlliflə əlaqə saxlamaq üçün elektron ünvan: [email protected]
