Azərbaycan, Bakı, 02 dekabr/ Trend , müxbir Ü.İsmayılova/ Bakının daşınmaz əmlak bazarının noyabrda fəallığı oktyabra nisbətən 30 faiz azalıb. Bu barədə çərşənbə axşamı MBA Group Konsaltinq Şirkətinin Baş direktoru Nüsrət İbrahimov bildirib.
"Bu, son beş il ərzində bazar fəallığının ən aşağı göstəricisidir", - deyə İbrahimov bildirib.
Onun sözlərinə görə, bazarda belə vəziyyət maliyyə böhranının təsirindən yaranıb. Nəticədə, bir çox Azərbaycan bankları avqustdan bir çox kredit növlərinin verilişini dayandırıb.
Noyabrda təkrar mənzil bazarında qiymətlər daha iki faiz düşüb, ilkin bazarda qiymətlər oktyabra nisbədə sabit qalıb.
"Bazarın fəallığının bərpasını 2009-cu ilin payızından, daşınmaz əmlak bazarı üçün mövsümi dövrün başlanmasından gözləmək olar", - deyə İbrahimov bildirib.
MBA Group Konsaltinq Şirkətinin eksperti Faiq İbrahimov əvvəllər bildirib ki, Bakıda bir çox riyeltor şirkətlər öz fəaliyyətlərini dayandırıblar. Bu, alıcı qabiliyyətinin tamamilə olmaması ilə bağldır. Onun sözlərinə görə, bu gün ölkənin daşınmaz əmlak bazarında hökm sürən belə durğunluq indiyədək olmayıb.
Ekspertin rəyinə görə, belə vəziyyət alıcıların mənzil qiymətlərinin əlavə olaraq enməsini gözləməsindən irəli gəlir. Satıcılar isə, qiymətləri beş faizdən artıq endirmirlər. Əvvəllər bir otaqlı mənzili 35-40 günə satmaq olurdusa, indi ekspozisiya müddəti beş dəfə artıb.
Məqalə müəllifi ilə əlaqə ünvanı - capital