Azərbaycan, Bakı, 04 dekabr/ Trend , müxbir N.İsmayılova/ Azərbaycanın bankları 2008-ci ilin oktyabrında iqtisadiyyatın kreditləşdirilməsini 1,4 faiz, ötən ilin analoji dövrü ilə müqayisədə isə 65,4 faiz artırıblar, Azərbaycan Milli Bankından (AMB) cümə axşamı bildiriblər. Sentyabrda bank kreditləşməsinin artımı 2,3 faiz səviyyəsində olub.
AMB-nin məlumatına görə, banklar 2007-ci il noyabrın 1-nə olan 4050 mln. manat (o cümlədən, 2183,3 mln. manat milli valyutada və 1866,7 mln. manat ADV-də) kreditə qarşı 2008-ci il noyabrın 1-nə 6697,5 mln. manat (o cümlədən 3612,3 mln. manat milli valyutada və 3085,2 mln. manat ADV-də) borc veriblər. Ümumi portfeldən 142,6 mln. manat borcun vaxtı ötüb. 2007-ci il noyabrın 1-nə bu rəqəm 99,7 mln. manat təşkil edib. Vaxtı ötmüş kreditlərin statistikası Aqrarkredit qeyri-bank kredit təşkilatının analoji kreditlərini nəzərə almır.
Qısamüddətli kreditlər 2007-ci ilin noyabrın 1-nə olan 1496,3 mln. manata (69,7 mln. manat vaxtı ötmüş borclar da daxil olmaqla) qarşı 2082,2 mln. manat (92,8 mln. manat vaxtı ötmüş borc) təşkil edib. Bu dövr ərzində qısamüddətli kreditləşmənin 34,5 faizi, vaxtı ötmüş kreditlərin isə 50,4 faizi ADV-in payına düşüb. Uzunmüddətli kreditləşmə 4615,2 mln. manat (49,9 mln. manat) təşkil edib. 2007-ci il noyabrın 1-nə bu rəqəm 2553,8 mln. manat (30 mln. manat) olub. Bu dövrdə uzunmüddətli kreditləşmənin 51,3 faizi, vaxtı ötmüş kreditlərin isə 51,7 faizi ADV-in payına düşüb.
2008-ci il noyabrın 1-nə iki dövlət bankı tərəfindən 3002,1 mln. manat (oktyabr ərzində artım 0,9 faiz), özəl banklar tərəfindən isə 3520,6 mln. manat (azalma 0,9 faiz) kredit verilib.
Noyabrın əvvəlində xarici kapitalın iştirak etdiyi bankların kredit portfeli tamamilə əcnəbi bankların 319,8 mln. manat (azalma 0,1 faiz) məbləğində kreditləri də daxil olmaqla 1969,3 mln. manat (azalma 0,3 faiz) təşkil edib.
Dekabrın 4-nə olan cari mübadilə məzənnəsi - 0,8092 AZN/USD.
Müəlliflə əlaqə saxlamaq üçün elektron ünvan: [email protected]
