...

Azərbaycanda kənd təsərrüfatı istehsalçıları üçün vergi tətilləri uzadılıb

Biznes və iqtisadiyyat xəbərləri Materials 13 Dekabr 2008 13:00 (UTC +04:00)

Azərbaycan, Bakı, 13 dekabr/ Trend , müxbir İ.Xəlilova/ Azərbaycan prezidenti İlham Əliyevin sərəncamı ilə 2001-ci il noyabrın 27-də qəbul olunan "Kənd təsərrüfatı məhsulları istehsalçıları üçün vergi güzəştlərinin tətbiq edilməsi haqqında" Qanunun fəaliyyət müddəti uzadılıb.

Ölkənin kənd təsərrüfatı istehsalçıları üçün vergi güzəştləri beş il müddətinə artırılıb.

2008-ci ildə, beş il ərzində növbəti dəfə olaraq bütün vergilərin ödənilməsindən azad edilmiş (torpaq vergisi istisna olmaqla) kənd təsərrüfatı məhsulları istehsalçılarının vergi ödəmələrinə qoyulan moratoriumun müddəti başa çatır.

Ölkə hökuməti bütün dünyada ərzaq təhlükəsizliyi problemi olduğu bir şəraitdə kənd təsərrüfatı üçün vergi güzəştləri tətbiq etmək qərarına gəlib. Bu, növbəti illərdə ölkənin aqrar sektorunda orta hesabla 10-15 faizlik artımı təmin etməyə imkan verəcək.

Hazırda ölkədə istehsal edilən kənd təsərrüfatı məhsullarının 99 faizi özəl sektorun payına düşür. Azərbaycanda torpaq islahatı faktiki olaraq başa çatdırılıb və 1390 ha torpaq sahəsi əvəzsiz olaraq kənd sakinlərinə verilib.

Hökumət hesab edir ki, kəndlilərin dəstəklənməsi üçün ölkənin aqrar sektorunun hazırki ekstensiv inkişafı şəraitində yaxın 10 ildə Azərbaycanda vergi güzəştlərinin ləğvi aktual deyil.

Belə inkişaf tempi ilə fermerlər tərəfindən dövlət büdcəsinə vergi ödəməməsi nəticəsində dövlət büdcəsi cüzi itkiyə məruz qalır.

Azərbaycanda bazara ciddi təkliflərlə çıxmaq iqtidarında olacaq iri fermer təsərrüfatları hələ ki, yaradılmayacaq. Dövlət büdcəsinə mövcud daxilolmalardan isə danışmağa dəyməz.

2008-ci ilin 10 ayı ərzində aqrar sektorun artım tempi 7,1 faiz təşkil edib. Hökumətin proqnozlarına görə, 2008-ci ildə aqrar sektor üzrə artım 8 faiz, 2009-cu ildə 9 faiz, 2010-cu ildə 8,5 faiz, 2011 və 2012-ci ildə isə 8 faiz səviyyəsində gözlənilir.

Məqalə müəllifi ilə əlaqə ünvanı - [email protected]

Xəbər lenti

Xəbər lenti